影片
更多
2014-01-12
2215 瀏覽
名寶石餐廳，我细细個已經聽過佢大名。 不過一直無去過，直至今日去開花墟終於決定一試。六點已經要排隊等入座，真誇張。 雖然話係港式西餐，不過冇諗過有牛腩麵食，仲要幾好食嗰隻! 牛腩夠淋，味道夠濃，只係碎咗少少。麵條彈牙，菠菜鲜嫩，算係驚喜！龍蝦拼黑椒牛柳餐，先來餐包同忌廉湯。餐包又熱又軟，牛油一搽落去就滲晒入個餐包度，一咬落去，wow! 忌廉湯內有冬菇同雞肉，真夠fusion! 其實忌廉湯本身幾香濃，係配料怪少少，可能中國人慣飲有料湯吧！主菜大大碟，半隻都龍蝦加手掌心size牛柳，大量配菜同少量炸薯角堆滿一大碟，無美感但有睇頭！龍蝦竟然係包蛋漿炸，雖然搣咗蛋漿後裏面嘅肉十分鲜甜！牛肉反而淋得有啲過份，牛味不算濃。甜品啫喱芒果布甸二揀一，都係現成貨式，冇乜特別，不過都幾好味。麵餐$85，龍蝦餐$208，唔算平但大大件質素亦算不俗。望見隔離個牛肋骨先夠誇張，切咗舊骨成條叉燒咁嘅size! 望見周圍個個都食得好滋味同滿足，氣氛真係零舍唔同！呢度可謂唔搞花臣只求貨真價實，今時今日也許老牌餐廳先至會咁樣咯！
六點已經要排隊等入座，真誇張。
雖然話係港式西餐，不過冇諗過有牛腩麵食，仲要幾好食嗰隻! 牛腩夠淋，味道夠濃，只係碎咗少少。麵條彈牙，菠菜鲜嫩，算係驚喜！
龍蝦拼黑椒牛柳餐，先來餐包同忌廉湯。餐包又熱又軟，牛油一搽落去就滲晒入個餐包度，一咬落去，wow! 忌廉湯內有冬菇同雞肉，真夠fusion! 其實忌廉湯本身幾香濃，係配料怪少少，可能中國人慣飲有料湯吧！
主菜大大碟，半隻都龍蝦加手掌心size牛柳，大量配菜同少量炸薯角堆滿一大碟，無美感但有睇頭！龍蝦竟然係包蛋漿炸，雖然搣咗蛋漿後裏面嘅肉十分鲜甜！牛肉反而淋得有啲過份，牛味不算濃。
甜品啫喱芒果布甸二揀一，都係現成貨式，冇乜特別，不過都幾好味。
麵餐$85，龍蝦餐$208，唔算平但大大件質素亦算不俗。望見隔離個牛肋骨先夠誇張，切咗舊骨成條叉燒咁嘅size! 望見周圍個個都食得好滋味同滿足，氣氛真係零舍唔同！呢度可謂唔搞花臣只求貨真價實，今時今日也許老牌餐廳先至會咁樣咯！
張貼
