新羅寶韓國餐廳

營業中

休息中

今日同朋友嚟一間在香港己經扎根三十年嘅韓國餐廳，曾經得到米芝連獎項，今日終於有機會嚟試下。估唔到米芝蓮餐廳都有一個免費試食嘅角落頭，自家製嘅醃蘿蔔同埋農場梅汁，每位客人都可以隨意食用。一坐低職員先送上三款餐前開胃小食：泡菜、醃蘿蔔、菠菜芽菜、一片橙肉。小食顏色鮮豔，味道酸酸辣辣，十分開胃。醬油生蝦 醬油蝦有鹹鮮味，食一隻唔夠喉，我哋後尾追加多四隻，享受每一啖鹹鮮彈牙嘅蝦。一人烤牛排骨肉套餐喜歡食烤肉嘅我一定會點過燒肉餐，牛排骨肉切成一片片，有牛肉味又有咬口，入口甘香，燒肉必食之選。炆牛排骨套餐炆牛排骨就一舊舊連骨一齊炆，肉質好軟淋淋；湯底有紅枣，入口甘甜滋潤，女士恩物。檸檬梳打和柚子梳打兩款飲品都清爽酸甜，飯後嚟一杯清爽解膩。