影片
更多
2022-10-22
72 瀏覽
忽然間想食炸雞，友人極力推介呢間老字號「李家」，我哋就黎到山林道呢間分店品嘗下🥰店舖唔算大，卡位相當闊落，環境典型簡約韓式feel，餐廳不停播放k-pop music，好似置身韓國一樣😆前菜有淹酸白蘿蔔同埋椰菜沙律，相當開胃👍雪濃湯 $168湯底清甜，牛骨味都幾濃郁，牛肉煮到好稔，仲有d麵線喺入面，伴隨白飯一齊食都幾暖胃飽肚。粟米炸雞 $218炸雞有好多款式，我哋揀咗呢隻新口味夠曬特別，份量足夠三至四人食，雞件同粟米上面鋪滿左粟米粉仲有少少粟米片，超濃粟米粉味，鹹鹹甜甜咁好惹味，粟米好甜、烤得剛剛好唔會乾好好食，雞件炸得好香脆又嫩滑yummy😋芝士辣雞炒年糕 $178份量驚人，有煙韌嘅年糕、雞肉粒加上大量嘅菜，芝士口感煙韌香濃又可以做到拉絲效果，辣辣哋好味又邪惡😋總括而言，食物質素真係相當唔錯，尤其炸雞，菜式份量相對大份，建議多啲朋友一齊食開心share，下次食炸雞都會返嚟呢度，多謝朋友咁好介紹🥰美味指數🍽：8.5/10 環境指數📸：8/10整體表現💜：8.5/10CP值指數😎：8/10
前菜有淹酸白蘿蔔同埋椰菜沙律，相當開胃👍
雪濃湯 $168
湯底清甜，牛骨味都幾濃郁，牛肉煮到好稔，仲有d麵線喺入面，伴隨白飯一齊食都幾暖胃飽肚。
粟米炸雞 $218
炸雞有好多款式，我哋揀咗呢隻新口味夠曬特別，份量足夠三至四人食，雞件同粟米上面鋪滿左粟米粉仲有少少粟米片，超濃粟米粉味，鹹鹹甜甜咁好惹味，粟米好甜、烤得剛剛好唔會乾好好食，雞件炸得好香脆又嫩滑yummy😋
芝士辣雞炒年糕 $178
份量驚人，有煙韌嘅年糕、雞肉粒加上大量嘅菜，芝士口感煙韌香濃又可以做到拉絲效果，辣辣哋好味又邪惡😋
總括而言，食物質素真係相當唔錯，尤其炸雞，菜式份量相對大份，建議多啲朋友一齊食開心share，下次食炸雞都會返嚟呢度，多謝朋友咁好介紹🥰
美味指數🍽：8.5/10
環境指數📸：8/10
整體表現💜：8.5/10
CP值指數😎：8/10
張貼
