住家菜 (柯士甸道)

營業中

休息中

夜晚踢完波要搵地方開飯，跟左個朋友去佢飯堂食飯，話有住家菜的水準喎。上到去可能因為夜左少少(九點幾先上到去)，所以食的人唔多，唔駛等位就有得坐點的菜都交哂俾我個朋友發板，一湯兩餸湯係燉湯，原煲上，唔記得個湯名lu，只係記得有落鯊魚骨，個湯夠哂入味，落的料算足，不過兩個人飲真係多左少少，因為我同個朋友每人都飲左四碗到。48蚊一煲呢個價真係抵到爛。兩個主菜，第一個係鎮江骨，炒出黎個賣相唔錯，d肉汁仲係度，有唔少肉食，唔只係得骨，唔會太韌，不過可能自己已經送哂飯，後尾就咁食肉個味會偏咸第二個係柚子西檸雞，同普通西檸雞唔同的可能係個汁，多左柚子果隻甜味，唔覺酸，雞炸完望落去有d油，但係又幾好食最後送番個海帶綠豆沙作終結。前後唔駛200蚊就落到樓。