六両三 (已結業)

相約友人食晚飯，見到呢間算新的10大餐廳，就諗住去試下。7點左右去到已經要排隊，睇黎好多人同我地一樣黎朝聖喎！😏😏😏😏呢度專食台灣牛肉麵，仲有d台灣地道小食同飲品。我地一人叫左一個麵，一個甜不辣，同兩杯冬瓜茶。麵係粗麵，湯底好深色，以為會好濃味，不過原來係好淡味的，唔係好重藥味果d。我就覺得太淡味🙊🙊🙊🙊，朋友就覺得ok。牛腱牛筋同牛肋條都煮得好淋，都唔錯。👍🏼甜不辣小小辣，好煙韌，同台灣食差唔多，幾好食！😋😋😋不過份量有d少🙈🙈。呢度響應環保，冬瓜茶係無飲管的。冬瓜茶味道偏淡，可能老闆鍾意清淡🙊🙊🙊🙊，面頭有冰，又無飲管或其他俾我地搞拌，d冰溶左就更淡，淨係飲到冰水味，如果可以俾枝棒搞匀杯野飲就好喇！整體都幾有台灣風味，不過湯底有d淡，唔係幾啱我胃口，但係小食唔錯，唔洗排隊都可以再戰。