之前同佢傾計其間知佢未上過山頂睇過夜景 所以就揀左呢到
黎呢到食野 記得一定要BOOK定位, 好彩我有BOOK到 如果唔係 黎到空歡喜 就瘀爆扣哂分了
坐低後 發現原來今晚係逢例4既自助餐夜... 同BABY商量後 決定食自助餐 再次先再單點佢既菜式
每一期既自助餐主題都唔同 呢排做緊既係 吞拿魚
BABY最關心既係冷盤有咩食 基本沙律野外 仲有生蠔 藍青口 蝦 同 少量刺身款式揀
另外熟食 中 西 泰 都有
主要黎講 味道唔錯
刺身 係立即切 而生蠔就預先開定 有個師父企係到 見到要補貨 就即刻再開 所以都唔怕唔新鮮
湯 就 龍蝦湯 BABY話好好味 夠濃龍蝦味 仲飲左兩碗
我就試下佢個水餃湯 個水餃好好食 咬落係有肉汁 而唔係齋湯味 而個湯底係清湯 但冇乜味精味....
仲有D 巴拿馬火腰 配埋蜜瓜 真係好正
太多野食 不能盡錄 但總括黎講 BABY都食得好開心
食飽飽仲可以行出去餐廳露台外睇下夜景
2
3
