美心西餅 (銅鑼灣站)

營業中

休息中

藍莓焗芝士切餅 $25藍莓焗芝士切餅既主角芝士都夠厚身，可惜唔夠滑溜，好在有少少燒焦味。原來下面加左一層海綿蛋糕，咁就唔抵啦。餅底麻麻地，無特別。面頭藍莓醬唔夠餸成件餅。有三粒新鮮藍莓就頗大粒。法式燉蛋千層蛋糕 $32法式燉蛋千層蛋糕比我想像中好味。肉眼見到大概有十幾層，包住豐富忌廉，好易用叉切開，然後一口食用，口感啖啖忌廉，好滑溜，不過唔知點解覺得主要係栗子味。下底有一層薄薄海綿蛋糕，係咪為左要慳返忌廉成本而加？好在口感影響不大。面頭個片pat忌廉就麻麻地，仲有半粒新鮮士多啤梨。士多啤梨啫喱甜品杯 $24士多啤梨啫喱甜品杯用膠杯裝住，不過無蓋。面頭有幾片新鮮士多啤梨，下底係一層透明啫喱，最底主體主要係雲呢拿慕斯，小朋友食得好開心。