餐廳午餐 omakase 性價比特別高！ 其他午市套餐、日式料理、壽司定食 🍱 也讚不絕口！喜歡吃新鮮壽司的，不能錯過！
踏進餐廳，環境舒適，坐 Bar枱 可以望著師傅炮製新鮮魚生、壽司，也可以選擇雅座，方便傾偈。
店長推介性價比最高的 午餐廚師精選 Omakase-Lunch 和 壽司定食 10貫。
午餐廚師精選 Omakase-Lunch $580
前菜二款、是日沙律
前菜有日本大根漬 和 汁煮冬菇，味道唔錯，切成花形的酸白蘿蔔有心思又好食。沙律清甜爽脆，開胃同時食得健康。
刺身三款
刺身3種盛都是時令魚生，有赤貝、拖羅、白身魚。最鍾意拖羅，入口即溶，油脂豐富，原汁原味。新鮮赤貝，肉質爽甜。白身魚魚肉有口感，味道清新。
壽司七貫
廚師即席製作，新鮮推介！壽司款款好味又有特色。omakase 就是有驚喜，新奇刺激先好食。
當中最愛牡丹蝦，味道鮮甜，蝦膏加上蟹籽，層次分明，口感豐富。帆立貝加配竹炭鹽，好特別，厚度適中，肥美肉厚。蜜柑鯛，魚味特別甜。深海池魚味道比較豐富，魚油香幾新鮮。金目鯛，火炙過迫出油香，重魚油香味充滿味蕾，口感軟身好滑。
茶壺蒸
即蒸茶碗蒸蛋，熱辣辣，裡片片粟米芯增加口感，蛋味香濃又滑溜，好吸引。
碎蔥拖羅，海膽，三文魚籽丼
迷你矜貴的碎蔥拖羅，海膽，三文魚籽丼，賣相好似海膽杯咁有氣勢！海膽絕對係一大亮點。碎蔥拖羅鮮甜、口感入口即溶。海膽矜貴，鮮甜濃郁，海膽甘甜。三文魚籽分量好足料，爽口爆汁。
味噌湯
暖胃濃湯，有口湯滋潤一下腸胃，入面有很多滑豆腐，味道也一流。
壽司定食 10 貫 $320
（配沙律、前菜、熱稻庭烏冬)
另一邊廂師傅努力為友人製作手握壽司，10 貫件件新鮮 seasonal ，絕不馬虎。
竟然有松葉蟹肉壽司，好 surprising ! 好多松葉蟹蟹肉，蟹香味好突出。帆立貝也是配竹炭鹽，幾新鮮。海膽軟綿，入口Creamy，最愛鮮甜，幸福感覺充實口腔。
蜜柑鯛清甜同飽滿，好食。金目鯛肉質脆嫩，重油香帶甜味。牡丹蝦好鮮甜，加咗蝦膏調味幾特別，爽甜口感。白身魚魚肉較結實，幾有質感。
熱稻庭烏冬湯底濃郁，烏冬彈牙掛汁唔錯，口感滑。
咖啡及甜品
日式紅豆抹茶蕨餅，正宗軟糯香甜，煙煙靭靭。配搭咖啡味道 balance .
