影片
更多
2022-08-07
224 瀏覽
✨想念台灣嗎？有冇諗過一間火鍋店可以食到正宗嘅台式火鍋，台式小食，台式即叫即制嘅茶飲，最驚喜嘅就係可以玩到台灣夜市嘅遊戲，你話和友人一起黎［湊湊火鍋·茶憩］有個美好嘅相聚係咪好開心呢？今日我就一次過可以感受到，有得玩又有得食，氣氛重超級好，等我介紹一下有啲咩好玩，好食，好飲，引誘下大家先😎✨首先呢度環境裝修一流，好有台式風味，空間感大，座位寬躺，坐得超級舒服，一入座已經有貴妃烏龍茶比客人潤一潤喉，之後可以慢慢用QR code點餐，點餐後可以去醬料自助吧揀選你心愛的醬料，有成差不多三十多款配搭，更有幾款啱你口味😋🌈另外係全晚最期待嘅湊湊夜市主題活動由5/8～31/8 每晚六點開始有得玩夜市遊戲 「套圈圈」堂食每檯惠顧每滿$500 可獲得遊戲機會一次 （每次10環）$1000 就可以玩兩次如此類推（折後價計) 大獎是$1200 的現金券 ，仲有其他好多小獎品，就算冇獎品一樣玩得開心👩🏻👩🏻是日晚餐二人前▪️鴛鴦鍋🥘臺式麻辣鍋 $ 138選用雞骨同牛骨小火慢燉 6 小時高湯，再用不同種類的中草藥材濃縮熬制多 2 小時，總共用 8 小時烹調一鍋正宗嘅台式麻辣火鍋， 集結「麻辣醇辛甘香」六種風味，
✨首先呢度環境裝修一流，好有台式風味，空間感大，座位寬躺，坐得超級舒服，一入座已經有貴妃烏龍茶比客人潤一潤喉，之後可以慢慢用QR code點餐，點餐後可以去醬料自助吧揀選你心愛的醬料，有成差不多三十多款配搭，更有幾款啱你口味😋
🌈另外係全晚最期待嘅湊湊夜市主題活動
由5/8～31/8 每晚六點開始有得玩夜市遊戲 「套圈圈」堂食每檯惠顧每滿$500 可獲得遊戲機會一次 （每次10環）$1000 就可以玩兩次如此類推（折後價計) 大獎是$1200 的現金券 ，仲有其他好多小獎品，就算冇獎品一樣玩得開心
👩🏻👩🏻是日晚餐二人前
▪️鴛鴦鍋
🥘臺式麻辣鍋 $ 138
選用雞骨同牛骨小火慢燉 6 小時高湯，再用不同種類的中草藥材濃縮熬制多 2 小時，總共用 8 小時烹調一鍋正宗嘅台式麻辣火鍋， 集結「麻辣醇辛甘香」六種風味，湯底更可直接飲用，真係非常正宗，另外當然係台式服務，鴨血和豆腐係無限添加，我哋添加左無限咁多次，因為真係好好食😋
🥘清涼椰子雞 $ 138
呢個湯底都好有驚喜，用大量清甜嘅椰子，粟米，雞肉煲制，未打邊爐之前一定要飲咗碗湯先，超級清甜，好順喉，呢個湯用嚟碌菜，會令到啲菜好鮮甜，無論食辣或者唔食辣嘅朋友咁一定喜歡呢個湯底
🍲火鍋食材方便，全部非常高質，而且每份份量都幾多，以下我所點嘅食物都係店舖人氣推介，配合返鍋底，就像喺台灣食嘅味道一模一樣🤩
🐮▪️美國特選級牛肩胛肉眼 $ 138
🐏▪️精選羔羊肉 $ 98
🦐▪️基圍蝦 $ 108
🐙▪️企鵝丸 （墨魚漿製）$59
🥬▪️油麥菜 $ 38
🐠▪️炸魚皮 $ 68
🫔▪️油條 $28
🐔▪️鹽酥雞 $ 58
🧋▪️大紅袍拿鐵 $ 35 / 紅茶拿鐵 $ 29
特選的大紅袍和紅拿茶葉香氣醇厚，泡出茶味香濃既底味，再配合打得細滑既拿鐵，整杯飲品唔太甜，冇諗過呢個組合會咁好飲，比例非常完美嘅台式奶茶，推薦一定要飲
✨食完之後仲好有驚喜，每位都會奉上，而且都是非常用心製作的甜品
🍍▪️鳳梨沙冰
鳳梨味道超級香濃，食到飽飽可以解解油膩，非常貼心
🍯▪️梅子茶凍
呢個真係好味到癲，茶凍係好香濃嘅烏龍茶味道，微微甜，好香滑，梅子酸酸咪咪好爽脆，為這一餐作完美嘅終結，呢個甜品係我其中一樣為咗佢會再黎幫襯
✨一定會再都回訪，喜歡這裏地方寬躺，食物質素高，好有台式風味，而且店員態度非常有禮，亦時常主動加湯，麻辣鍋添加鴨血鍋豆腐，另外仲有一定要知道嘅係晚上9時半後入座宵夜時段原來有八折，超級抵食，下次一定要再嚟
張貼
