麵包司

營業中

休息中

最近班兄弟做嘢都好辛苦，經常要開OT；食無定時。女朋友真識做，特登去荃灣呢間 麵包師 買d靚麵包，幫班夥計醫下肚兼打打氣。女友話呢度麵包好多選擇；價廉物美。佢幫我揀咗幾款佢最鍾意嘅包括：宇治抹茶紅豆包：抹茶味啱啱好襯埋紅豆，典型日本風味。另外黑糖麻糬包：黑糖味唔會太多啱啱好襯麻糬，兩樣味道好配合。仲有佢推介嘅開心果菠蘿包：菠蘿包之中加咗開心果，既有營養，味道亦豐富。牛角包之中佢最鍾意就係士多啤梨同埋海鹽焦糖，如果講造型就有芝士箭豬包；未食見到都開心。