錦麗 (信德中心)

營業中

休息中

越式蟹肉餅蕃茄湯檬粉：蕃茄湯底非常濃郁， 10分開胃。蟹肉餅味道唔錯，份量十足同蕃茄湯底非常之夾，驚喜之作。安格斯火車頭金邊粉：有牛筋，牛丸，牛肉片，牛小排，扎肉鍾意食牛嘅你梗係要試吓啦，一次過滿足你食牛嘅慾望。炸物拼盤：有法式蒜蓉牛油雞翼，蔗蝦，蝦春卷同炸豬扒。炸物都係新鮮炸起，上嚟嗰陣仲係熱辣辣，雞翼非常香口濃郁，炸豬扒亦保留到水份唔會太乾，蔗蝦同春卷味道都唔錯，各有特色。酥炸軟殼蟹：呢個小食十分驚喜，絕對係食過咁多間餐廳之中三甲之內。新鮮現炸，大大隻開邊，非常有咬口，而且軟殼蟹入邊仲有羔添，十分滿足，如果唔係食咗咁多熱氣嘢都想再叫多碟。椰子咖啡：椰子味香濃，甜度適中，有椰肉襯托，同咖啡嘅配搭一流，可惜比較細杯，未能盡興。總結：第一次食呢間餐廳，食物質素唔錯，炸物水準一流特別係軟殼蟹，二人餐性價比高，絕對值得一試。