Plato Cafe & Bistro (吳松街)

上網見到佐敦區呢間西餐的評價唔錯，於是book左位星期五晚去試下。叫左個至尊2人餐，有羅宋湯，白酒煮大蜆，主菜就揀左豬手同肉眼扒，飲品補左錢要特濃朱古力，甜品係tiramisu。羅宋湯都幾多菜，酸酸地幾開胃。白酒煮大蜆都好好味，D蜆都有白酒味，但略嫌份量太少，只有5粒有肉。牛扒叫左7成熟，煮得啱啱好，牛扒好有肉味，亦唔會太林或太硬。豬手好大隻同有驚喜，首先係個皮好脆，D肉好林好滑，仲有D根連住隻豬手。如果不計儀態，可以成隻拎住慢慢食D骨。另外，兩個主菜都有跟D薯菜，所以都好飽。個Tiramisu都好味，有淡淡的酒味。而杯特濃朱古力好香好好飲，飲到底仲有好多好濃的朱古力。總括而言，呢餐真係幾好味，而經openrice book位仲有discount。