皇室冰廳 (已結業)

今日屋企人去咗街，於是就同左細妹落樓下搵餐廳一齊撐枱腳🤣我哋兩個都比較隨意，於是就行吓行吓見到呢一間皇室冰廳，放學去嘅款式好多，重點嘅係好抵食！入到去嘅時候就已經感受到有香港特色嘅感覺，而且呢度嘅菜式選擇種類都好多！叫咗呢一個魚香茄子煲！魚香茄子煲嘅份量好多，呢度嘅魚香味道好強烈，而且茄子亦都煮得好林！非常入味！另外就係呢一道菠蘿咕嚕肉！一碟好食嘅菠蘿咕嚕肉真係會令人流晒口水！呢一度嘅醬汁，令到配料亦都非常吸引好食！連啲洋蔥亦都非常入味！而且呢度嘅咕嚕肉亦都做得好出色，大大件，但係依然可以保持入口好林嘅豬肉！