峴港安南越南餐廳

營業中

休息中

是日好友介紹樂富新越南餐廳一起吃晚飯。天氣熱先點飲品峴港椰子咖啡，椰青，瑰麗紅莓，越南咖啡。邊飲邊諗食咩好。個裝修真係好越南feel.最後點了：越式蒜香新鮮豬雜，峴港招牌騸牯生牛肉湯河，越式豬頸肉扎肉撈檬粉，特式越南法包，香茅單骨雞翼，越式手作炸春卷，酸辣青芒拌鳳爪。峴港椰子咖啡：椰子咖啡真係有上次我去越南的感覺。椰青：新鮮清甜味道。瑰麗紅莓：冰涼口感，甜甜地。越南咖啡：慢慢睇住佢滴出嚟真係好文青。濃郁咖啡味道岩晒喜愛齋啡的朋友。越式蒜香新鮮豬雜：新鮮有個字配得起個菜名，豬雜真係好新鮮。峴港招牌騸牯生牛肉湯河：不得不大讚個湯底，湯底完全反映出廚師將牛骨煲左既時間，實在太可口。越式豬頸肉扎肉撈檬粉：豬頸肉煎得香，扎肉味夠濃味。加入魚撈去撈起個撈檬夠晒正。特式越南法包：越南出名的法包又可以食到了，法包好食加入肉碎增加口感度。香茅單骨雞翼：雞翼香茅味融在一起，炸到夠香口。越式手作炸春卷：香噴噴，熱辣辣，脆卜卜。酸辣青芒拌鳳爪：青芒蘿蔔絲辣辣地加入鳳爪，醒胃可口。