8鍋臭臭鍋 (謝斐道) (已結業)

今晚同朋友去咗銅鑼灣行街，途經依間叫8鍋臭臭鍋的食店。一向喜歡食火鍋的我，就當然要入內食吓啦。店內充滿台灣風味，好有台灣風情的一餐，坐位又大又闊，冷氣又夠充足。店員也很友善。桌上又很多調味醬料供選擇。看完餐牌，叫咗個芝士牛奶鍋配米粉，芝士味道好濃，食材好豐富，份量又多，白豚肉好入味，而且口感一流，心型魚豆腐夠特別，芝士片和雞蛋及香菇好新鲜。另叫赫味台灣腸，好新鲜，味道又味，個人認為是必食的。另叫炸花枝丸，同樣有水準，即炸，又熱又入味道。另叫咗鹽酥雞，同樣是即炸，口感一流，非常回味，朋友則叫咗香赫牛肉鍋，牛肉又多，不算太肥，好好食，食材又多。非常飽滿的一餐。飲品則叫咗香芋奶茶，奶茶味好濃，香芋味又特別出。茘枝梳打也同樣好飲。非常回味的一餐。