美味的泰國菜

營業中

休息中

餐廳細細地，但係佈置充滿泰國風情，並播放着泰國歌曲。🥢蝦餅78炸到熱辣辣，外皮夠香脆，口感Q彈，有肉汁又有蝦味。🥢碎肉生菜包79肉碎小小辣，多多香草味並帶點青檸嘅清新香味，與爽脆生菜一齊食，惹味中顯清爽。🥢黃咖哩雞78黃咖喱夠哂甜香，配上口感滑溜嘅雞肉，無論餸飯或薄餅都唔錯。🥢薄餅4件29有咖哩當然要食薄餅，蘸咖哩汁嘅必然之選。🥢菠蘿海鮮炒飯78海鮮有蝦、魷魚及青口，仲有腰果及肉鬆拌碟，飯粒炒得好清爽唔油膩。🥢串燒拼盤3串49豬牛雞3拼，啱哂多心嘅我哋，3款肉質都好嫩滑，蘸點沙嗲醬更加惹味。