YOKU MOKU

營業中

休息中

Yoku Moku 係日本過江龍，總店喺日本南青山。今次難得好友生日，就喺IFC買咗兩條試下。據佢講係$180一條，以瑞士卷黎講都算係貴價嘢。包裝幾有心機，擺咗一段時間都保持濕潤。左邊係綠茶卷蛋，右邊係完美（即忌廉）卷蛋($180)。綠茶卷蛋嘅茶味相當香濃，應該係落咗靚嘅綠茶粉。蛋糕質地緊緻，唔會好似坊間咁有好多空氣。隻cream都打得好濃厚同幼滑，有啲似食緊雪糕。我更鍾意原味，因為個蛋香味同忌廉味唔會比綠茶味蓋過，更加食得出蛋糕香。