章記香港仔魚蛋王 (已結業)

今晚開工OT收夜左，11點都未食到晚飯,所以唸住係附近搵野食先番屋企。 起初擔心要食m記 ，好彩見到燈火通明既招牌寫住章記香港仔魚蛋王(西環石塘咀街市附近)。聽聞佢既牛腩河同炸雲吞係一流既，所以就一於叫左黎食試下。不消5分鐘，牛腩河已經上碟。未食之前已經聞到香噴噴，牛腩半肥瘦，口感正，肉質鮮嫩，好味。湯底則夠火候，一d都唔咸，有埋牛腩既鮮甜味。而炸雲吞不愧是推介，一口食落去脆口而不油膩，仲有可選擇要唔要泰式甜醬。 埋單都唔駛60hkd，可說是OT一族既恩物。