宜昇美食

營業中

休息中

大埔街坊推介嘅呢間小食店真係幾掂喎，難怪短短20分鐘左右食個腸粉同個碗仔翅嘅時間，keep住都有人嚟幫襯。聽講呢度腸粉最出名，仲有餐可以叫，於是我就叫咗個大嘅腸粉餐，有埋魚蛋同埋燒賣，有四條腸粉六粒魚蛋同埋四粒燒賣，魚蛋可以揀辣或者唔辣，三樣嘢都係腸粉最好食，又爽又滑。另外再叫咗一碗碗仔翅，大同細只係差五蚊，所以就叫咗碗大嘅，味道都唔錯，個憲唔會太傑，唔會食到漿住個口咁樣，入面啲粉絲好粗，如果雲耳絲同埋冬菇絲嘅量多啲應該會好食啲。