御滿屋日本料理

營業中

休息中

去咗荃灣滿屋食久違了既日式放題，入到去係用QR code落單，一般放題既選擇都有，例如刺身、壽司、卷物、天婦羅、燒物等，而且入面有凍櫃，甜品、飲品、沙律、仲有炸物任拎。咁放題唔少得既緊係刺身啦，我地就叫三文魚、帶子、大蝦等。啲刺身食得出好新鮮，係高質素既。我地仲叫咗海膽同吞拿魚蓉手卷，仲有個花之戀，都好好味。跟住個天婦羅同蒜香牛柳粒同蒜蓉燒生蠔都大力推介，天婦羅炸得好香脆，而蒜香牛柳粒同蒜蓉燒生蠔既味道好出色，除咗本身既食材味仲有蒜香味，鍾意食蒜既人士唔可以錯過。