影片
更多
2018-07-10
72 瀏覽
約咗朋友係天后打算食個late lunch聚下舊。想搵個餐廳靜靜地坐得舒服啲嘅，一唸就唸到離地鐵站幾分鐘嘅上海弄堂喇。一坐低即刻叫杯凍酸梅湯解渴，因為天氣真係好熱啊 😣 經理話係自家製㗎，飲落夠凍，而且唔會太甜！我朋友都忍唔住嗌一杯來飲 😛食物方面我哋揀咗兩個前菜，一個套餐。然後我朋友睇到menu有砂鍋蛋餃津白，一於嗌埋！燻魚 - 肉質結實唔會散開，咬落去飽滿多汁，夠入味！紅油抄手 - 我同朋友一致認為係我哋食過最好味嘅紅油抄手！首先個醬調教得好好，有小小麻辣。豆瓣醬嘅鹹味balance到個辣味。而啲雲吞應該係傾干水先放入醬度嘅，如果唔係唔會甘入味。雲吞皮夠薄，食到菜嘅甜味。一碟簡直係唔夠分呀！獅子頭配菜飯 - set lunch size 啱啱好，仲有跟豆漿添！但係因為我哋飲咗酸梅湯，就無要到豆漿喇。獅子頭鮮嫩多汁，個菜飯一啲都唔油膩，加少少湯落去好快就俾我哋兩個ko咗 砂鍋蛋餃津白 - 我第一次食呢道菜，有肉丸，雞蛋餃，津白同粉絲。比起奶油津白來得清爽，啲粉絲好爽口，夏天唔想食飯食呢個一流呀。我哋食下傾下坐咗個幾兩個鐘，仲見識到雲吞嘅製作過程添。整體來講坐得好舒服

一坐低即刻叫杯凍酸梅湯解渴，因為天氣真係好熱啊 😣 經理話係自家製㗎，飲落夠凍，而且唔會太甜！我朋友都忍唔住嗌一杯來飲 😛

食物方面我哋揀咗兩個前菜，一個套餐。然後我朋友睇到menu有砂鍋蛋餃津白，一於嗌埋！

燻魚 - 肉質結實唔會散開，咬落去飽滿多汁，夠入味！

紅油抄手 - 我同朋友一致認為係我哋食過最好味嘅紅油抄手！首先個醬調教得好好，有小小麻辣。豆瓣醬嘅鹹味balance到個辣味。而啲雲吞應該係傾干水先放入醬度嘅，如果唔係唔會甘入味。雲吞皮夠薄，食到菜嘅甜味。一碟簡直係唔夠分呀！

獅子頭配菜飯 - set lunch size 啱啱好，仲有跟豆漿添！但係因為我哋飲咗酸梅湯，就無要到豆漿喇。獅子頭鮮嫩多汁，個菜飯一啲都唔油膩，加少少湯落去好快就俾我哋兩個ko咗



砂鍋蛋餃津白 - 我第一次食呢道菜，有肉丸，雞蛋餃，津白同粉絲。比起奶油津白來得清爽，啲粉絲好爽口，夏天唔想食飯食呢個一流呀。

我哋食下傾下坐咗個幾兩個鐘，仲見識到雲吞嘅製作過程添。整體來講坐得好舒服，食得好滿意嘅一個late lunch。百零蚊一個人有甘嘅水準真係一啲都唔貴！

張貼
