今年都未食過羊腩㷛， 又想試吓呢度嘅梅菜扣肉，所以就乾脆喺呢到買幾款外賣回家。
叫咗一份《秋冬羊腩飯》，雖然只是一份細細盒羊腩，但食得出好正宗吓，冬菇/冬筍/枝竹/馬蹄 有齊， 深啡色汁底， 羊腩炆煮得入晒味， 皮爽肉有咬勁唔韌， 汁都好好味。下次可以買個羊腩㷛試吓。
《梅菜扣肉荷葉飯》一 腩肉炆得入味但唔夠淋，未有入口即化效果，可以再炆耐多點時間。 而且味道上偏鹹了點。
《咸酸菜炆豬肉荷葉飯》－腩肉炆得入味，咸酸菜又醒胃，佐飯一流 。
《招牌手撕雞》 — 雞肉唔算嫩滑， 醃得都算入味，但雞皮較多肉較少，味道正常水準。
呢間小店嘅羊腩㷛值得推介。另外，試過幾款客家風味餸，味道都唔錯， 價錢合理。
