燒肉酒場 (已結業)

今日又去了銅鑼灣食燒肉，餐廳出名係成吉思汗嘅燒烤，當然羊肉非常出色。蒙古羊卷肉入口鮮嫩，羊味適中，油份非常足夠，充滿油脂豐盈感。羊頸柳，六七成熟，帶根位所以非常有囗感。吃羊就一定要加餐廳自製嘅羊肉孜然粉及醬汁，提升味道層次。想食得健康，仲可以配一個燒肉拍檔：青瓜，生蒜，生菜，紫蘇葉及薄餅拼盤，將全部配菜加肉捲起，完全吃不停口。烤盤旁邊嘅蔬菜洋蔥可以無限添加，蔬菜吸收晒羊脂嘅油份，入口香濃爽脆。餐廳除咗清酒特價，而家可以自選4種清酒，每壺120ml都係$280，選擇好多，我選了北秋田，作，匠及太白銀虎，配合燒肉，味道一流。海鮮有南非鮑魚，入口彈牙。活蟶子新鮮夠爽口，配合泰式酸辣汁，味道清新。和牛盛盒有和牛肉眼，和牛肩，和牛三角，胸小排，和牛峰及和牛西冷。每一塊充滿雪花，肉眼入又軟又香，油香豐富。牛西冷肉質嫩滑多汁，肉味香濃。和牛肩肉不會過份結實，有嚼勁，充滿口感。餐廳服務不錯，價錢公道，唔使講羊肉，更係出色個人。