名羊天下麵店

營業中

休息中

唔講唔知原來油麻地廟街轉角位有間主打羊嘅小店，以多款烹調方式呈現羊肉料理。招牌菜為枝竹羊腩，炆到好𣺉，入口即化，淡淡羊香氣，仲有吸滿醬汁嘅枝竹，配返碗熱辣辣嘅白飯，好快清晒。另外值得一讚嘅係佢哋嘅羊肉湯，飲落清甜無味精，住家飯嘅味道，令人一試難忘。小食方面都有幾多選擇，蒙古燒羊排，兩大條，肉骨分離，灑上串燒椒鹽粉更惹味，不過其實羊本身已經夠好食，唔使額外調味都可以。羊肉餃子有六小粒，粒粒飽滿，亦唔算厚。肉夾饃即叫即整，外皮脆身，咬落Juicy，一分為二，大家Share更好味。甜點有羊芝士奶凍，味濃厚滑。