在家居酒屋 (已結業)

超級居酒屋fans 嘅我去唔到旅行，唯有不時搜尋下有feel 嘅居酒屋🏮扮去左！ 網上見朋友分享左呢間位於大圍超隱世嘅居酒屋，見食評唔錯就揀咗去試喇！門外一幅一比一比例嘅手繪貓畫超吸晴兼啱晒打咭😍😍 隻貓仲要係燒緊串燒，內外呼應超正👍居酒屋簡單而型格嘅工業風格裝修超好feel , 完全配合到店名嘅主題「在家」. 講左咁多唔關食物嘅資訊，事關我對居酒屋要求特別高！最怕好多「港式居酒屋」完全冇feel ! 入正題講返食物！ 今次係開返晚市嘅「第一餐」，我哋幾隻餓鬼叫左好多野排名不分先後有 ❤️炸雞皮溏心蛋沙律炸到香脆嘅雞皮咸咸香香、配埋爽脆嘅沙律菜、開胃嘅芝麻醬超搭！最緊要連埋隻溏心蛋一齊食👍❤️燒巨型鯛魚干本人至愛嘅一道菜😍鯛魚干燒得非常香脆、味道調配得超惹味！送酒一流！❤️炸墨魚咀另一味至愛！香口彈牙，加埋微辣嘅調味一粒接一粒，停唔到口❤️燒牛舌我對燒牛舌要唔要好高！太厚太薄太淡太濃都做唔到高質嘅燒牛舌！ 而佢地做到鹽味同黑椒比例剛好，燒至表面焦香，但又保持juicy! ❤️燒雞翼調味一流👍，唔會燒到太乾❤️燒章魚丸呢樣就係令我重拾置身日本嘅一道菜，個醬汁調味超正. 章魚丸鬆軟之餘份量剛剛好❤️燒菠