影片
更多
2018-05-07
5133 瀏覽
琴晚(5月5號)同屋企人一齊去左食自助晚餐一行8人 book枱要先落計 每人$100其實未去之前都好擔心因為聽聞佢overbook得好勁訂枱的職員好坦白同我地講嗰晚要預咗好迫人好混亂因為係慶祝母親節嘅關係所以未去之前都好忐忑自助晚餐星期五六日6:30開始食到9:45先頭部隊5:40就去到入左去行個圈 心諗大鑊 攞野食個度禁細 陣間有排排有排逼6:20就安排我哋入咗因為之前book位有同佢地講有老人家安排近攞嘢食嘅位置所以張枱好近攞凍海鮮嘅地方準時六點半開始大家都主攻龍蝦麵包蟹等等嘅凍海鮮搶嘢食嘅情況都幾嚴重凍海鮮款式都幾多龍蝦 好多隻都好多膏但係食落去無味嘅 要靠佢個辣辣地嘅sauce先至有返小小辣味 我食咗半隻就算都唔知啲人搶黎做咩蟹鉗 已經剝咗一半殻方便食但係同龍蝦一樣都係無味麵包蟹 如果好彩攞到蟹蓋都有少少膏如果攞到蟹腳蟹鉗都幾多肉 但係都係無味嘅一啲都唔鮮甜長腳蟹腳 都唔會過鹹嘅青口,螺,蜆,凍蝦無食到因為成個自助餐都算多嘢食所以試咗一次發現係無味之後凍海鮮就冇再食咁我就唔同大家搶去咗攞沙律同埋芝士沙律菜都係平時會有嘅番茄仔羅馬生菜等等咁預先撈好就好似有四五款有一款係海鮮凍糕又
一行8人 book枱要先落計 每人$100
其實未去之前都好擔心
因為聽聞佢overbook得好勁
訂枱的職員好坦白同我地講嗰晚要預咗好迫人好混亂
因為係慶祝母親節嘅關係所以未去之前都好忐忑
自助晚餐星期五六日6:30開始食到9:45
先頭部隊5:40就去到
入左去行個圈 心諗大鑊 攞野食個度禁細 陣間有排排有排逼
6:20就安排我哋入咗
因為之前book位有同佢地講有老人家安排近攞嘢食嘅位置所以張枱好近攞凍海鮮嘅地方
準時六點半開始
大家都主攻龍蝦麵包蟹等等嘅凍海鮮
搶嘢食嘅情況都幾嚴重
凍海鮮款式都幾多
龍蝦 好多隻都好多膏
但係食落去無味嘅
要靠佢個辣辣地嘅sauce先至有返小小辣味
我食咗半隻就算
都唔知啲人搶黎做咩
龍蝦
208 瀏覽
3 讚好
0 留言
蟹鉗 已經剝咗一半殻方便食但係同龍蝦一樣都係無味
麵包蟹 如果好彩攞到蟹蓋都有少少膏
如果攞到蟹腳蟹鉗都幾多肉 但係都係無味嘅一啲都唔鮮甜
長腳蟹腳 都唔會過鹹嘅
長腳蟹腳, 麵包蟹
171 瀏覽
3 讚好
0 留言
青口,螺,蜆,凍蝦無食到
因為成個自助餐都算多嘢食所以試咗一次發現係無味之後凍海鮮就冇再食
咁我就唔同大家搶去咗攞沙律同埋芝士
沙律菜都係平時會有嘅番茄仔羅馬生菜等等
咁預先撈好就好似有四五款
有一款係海鮮凍糕又係淡茂茂 有啲蟹肉龍蝦肉係入面
另外有一款係士多啤梨同紅桑子baby spinach又幾好食
仲有個長通粉芒果龍蝦沙律 芒果係甜嘅只不過啲龍蝦又係冇乜味
最欣賞佢個沙律吧個邊有五六款dressing 有一個芒果sauce酸酸甜甜好好食
沙律吧
160 瀏覽
0 讚好
0 留言
cold cut方面有三款火腿同埋煙三文魚
煙三文魚可以不試雖然砌到一朵朵花賣相好靚
但係食落嘅口感就有少少奇怪我咬咗幾啖都無吞到啦
parma ham就比較高質
鹹鹹香香配埋哈密瓜可以encore
芝士一共有四款我就主攻Camembert
自己鍾意切幾多就切幾多仲有兩款餅乾同埋好大粒嘅提子可以一齊食
芝士
145 瀏覽
0 讚好
0 留言
食完啲生冷野趁冇咁多人仲攞咗一輪熱葷
熱葷數量中規中舉 但係全部都好高質素
首先講咗我覺得最好食嘅西冷
佢真係成舊連埋骨咁樣拎出嚟
你想要生啲可以叫佢切生啲嘅部分 熟啲嘅可以俾埋個骨你都得
所以我食咗兩次西冷
第一次就叫佢切一個生d嘅
真係有血水 牛味非常之重真係超級好食
而且一啲都唔會un
第二次就叫佢俾埋舊骨我
同埋一舊生啲嘅肉又係超級好食
好難得食自助餐都有啲咁高質素嘅西冷
西冷, 咖喱蝦
138 瀏覽
1 讚好
0 留言
跟住有法式焗田螺就係一小pat薯蓉上邊有一粒田螺
田螺都係有陣怪怪地嘅味道唔係太好食
隔離就有黃金蝦
又係啲好邪惡嘅野
一隻走過油嘅大蝦用咸蛋黃包住
雖然真係好邪惡但係真係好惹味
忍唔住食咗三隻
黃金蝦
138 瀏覽
1 讚好
0 留言
酥炸生蠔 都好好食
個炸粉唔厚而且真係好大隻好好肉
酥炸生蠔
161 瀏覽
1 讚好
0 留言
忌廉汁煮鱸魚 都唔錯
係稍嫌啲鱸魚冇乜調味
忌廉汁煮鱸魚
125 瀏覽
1 讚好
0 留言
蒜蓉炒雜菜 就比較硬
西蘭花同椰菜花煮得唔係太夠時間
印度咖喱剩係得咖喱蝦
我自己就覺得一啲都唔辣
但係屋企人就覺得好辣
但係啲蝦都好大隻好彈牙
香茅烤多春魚 非常受歡迎
我每次行過都淨係得返啲魚骨同埋邊邊位
其實邊邊位都好好食
因為多寶魚多油脂邊邊位都唔會好乾
薑蔥炒蟹 又係可以值得推介
非常惹味而且啲肉蟹好大隻
蟹鉗位真係啖啖肉
薑蔥炒蟹
146 瀏覽
0 讚好
0 留言
西班牙海鮮炒飯 又係好有誠意
啲海鮮鋪滿晒成個飯
炒飯嘅調味又好食
而且入邊嘅配料都好多
又有魚海鮮雞肉同埋西班牙臘腸
西班牙海鮮炒飯
132 瀏覽
0 讚好
0 留言
清湯牛肚 又係出乎意料之外嘅好食
啲牛肚非常之林 蘿蔔又甜
另外有個蠔油煮雜菜同埋冬菇草菇
一啲都冇揸流攤
冇用到普通嘅菜心
而係用咗啲好嫩嘅芥蘭
細細條又甜又林
熱葷大概就有咁多款跟住就係串燒同埋鵝肝大阪燒
鵝肝大阪燒 稍嫌有少少失望
其實就食唔到啲鵝肝粒嘅
成塊都係啲椰菜
串燒 燒嘅速度遠遠比唔上啲人去攞嘢食嘅速度
行過幾次個架上面都剩係得啲凍哂嘅茄子
番薯南瓜剩係見過一次
同埋最開頭冇人攞嘅時候攞咗幾串雞軟骨
之後都冇見過有雞肉串燒或者雞軟骨串燒出現
反而燒味檔就好有誠意
長期都有一大盤好林好好食嘅叉燒 滷水豬耳 掌翼 墨魚 紅腸同埋燒鵝
燒味檔
126 瀏覽
1 讚好
0 留言
而且負責嗰位職員一見到啲燒味好似凍左就會用啲熱辣辣嘅汁林上面保持番個溫度
要注意返海南雞飯要你自己主動問燒味檔職員係咪有海南雞飯
佢先至會即刻係個電飯煲度裝一碗熱辣辣嘅雞油飯俾你
然之後再即刻斬幾舊白切雞擺上面
所以成碗海南雞飯係熱辣辣非常之好食
個雞油飯一啲都唔會油膩
反而有一少陣香茅味
比較起我以前食過嘅雞油飯真係有過之而無不及
而且啲白切雞就算係雞胸位都唔會鞋
果然係一定要試嘅食物之一
中湯西湯一共有兩款
中湯係鯊魚骨煲雞
非常知足料而且好夠味
西餐就係海鮮周打湯
呢個湯就差小小
冇海鮮不得已
淨係有啲紅蘿蔔粒同埋西芹粒
一直行到尾就係壽司魚生同埋淥面檔
魚生有螺片 油甘魚 三文魚 吞拿魚 八爪魚同埋有兩款壽司
師傅切得好厚而且份量好多
三文魚, 吞拿魚
130 瀏覽
0 讚好
0 留言
我淨係叫咗三文魚同油甘魚
佢就厚切左四塊三文魚同埋兩塊油甘魚俾我
咁嘅份量同厚度真係完全可以食魚生就食飽你
隔離就有啲中華沙律 螺肉等等嘅配菜
同埋有啲即刻整嘅壽司同埋炙燒壽司
攞完魚生咁啱師傅整咗一舊甜蝦壽司
我都攞咗黎試
甜蝦非常之鮮甜
炙燒壽司又係非常之好食
我就試咗長腳蟹 左口魚裙邊 魷魚 三文魚腩
四款都無雷全部都好好食
長腳蟹 唔係普通蟹柳貨色
真係有鮮甜味嘅
魷魚 一啲都唔會un
左口魚裙邊 非常重油脂超級好食
三文魚腩 又係好有油脂
全部都想encore
魚生, 炙燒壽司
136 瀏覽
0 讚好
0 留言
行到最入就可以自己揀啲貝殼類阿菜或者粉面俾師傅淥
海鮮
147 瀏覽
0 讚好
0 留言
有兩款湯底可以揀 分別係喇沙同埋海鮮面豉湯
個人好推介個面豉湯
因為飲落好鮮甜
反而喇沙湯就稍嫌有啲辣
我就食咗東風螺 花甲同埋貴妃蜆
全部都好大隻不特止仲要好甜
東風螺同埋貴妃蜆嘅size真係唔會係街市搵到
配埋個湯真係無得輸
87 瀏覽
0 讚好
0 留言
鹹野應該就講晒啦咁接下來就終於可以講我最期待嘅甜品
首先好快咁講下個朱古力噴泉
可以用泡芙或者士多啤梨點啲朱古力
士多啤梨就咁食都算甜嘅而且會不停refill
生果就有新鮮菠蘿 西瓜 哈密瓜 蜜瓜 火龍果 仲有拖肥涼粉同埋楊枝甘露
楊枝甘露啲芒果同埋西柚非常之甜
而且非常足料
蒲面都好多芒果
蛋糕櫃選擇非常之多
作為甜品控每一樣都攞咗一舊
甜品
139 瀏覽
0 讚好
0 留言
首先係帝苑餅店最出名嘅蝴蝶酥
有三款味 分別係原味 綠茶同埋芝麻
個人最推介係芝麻味
啲芝麻有小小咸香令到個蝴蝶酥唔會淨係得個甜字
反而個綠茶就有少少失望因為完全冇綠茶味
而原味就不過不失
creme brulee最令我痛心
因為一開始冇攞到 諗住佢應該唔會淨係出一次
點!知!佢真係淨係出咗一次俾人攞晒就冇再出現過
所以想試都冇得試 喊死
Creme Brulee
133 瀏覽
1 讚好
0 留言
好彩後尾都出咗tiramisu 都算有咖啡味嘅
但係剩係得一層cream一層浸左咖啡嘅蛋糕就唔係太正宗
反然個泡芙山就非常之好食
啲泡芙入邊啲cream好滿好creamy但又唔會過甜
面頭嗰層焦糖又脆bokbok好好食
賣相又靚
opera都好正
層層分明先係opera嫁嘛 抵贊
朱古力同咖啡味都好出 好正
Opera
147 瀏覽
0 讚好
0 留言
個檸檬撻又係好食到暈低
size細細粒可以一啖一個
個meringue超light超fluffy
下面個lemon curd又好滑而且唔算過甜
成件事勁balance
蝴蝶酥, 泡芙山, 檸檬撻
194 瀏覽
0 讚好
0 留言
藍梅芝士蛋糕 好creamy
紐約芝士蛋糕 就會濃味啲
如果鍾意啲硬身少少濃味d嘅芝士蛋糕就會鍾意紐約芝士蛋糕多啲
鍾意啲滑啲嘅就可以試藍梅
咁最好梗係兩款都攞晒返去食啦
brownies 好足料好夠份量
合桃一啲都唔孤寒成舊都係
朱古力脆餅 又係好好食朱古力味好出
朱古力mousse cake 好滑好濃 勁似食緊truffle
士多啤梨餅 其實係蛋糕
好似啲日式餅店咁
個蛋糕好light 中間夾左一層cream同埋士多啤梨粒
走小清新路線都值得一試
馬豆糕 聽屋企人講都好誠意
芒果mousse cake 夠甜夠多芒果 又係正
Apple crumble 都好正
夠哂熱 蘋果夠肉桂味但又唔會太濃搶左蘋果原本個味
個crumble都重keep到脆身唔會林哂
反而係個芒果黑糯米同冰皮朱古力卷有雷
前者d黑糯米好大舊好厚身無椰汁味
後者完全唔知食再乜
143 瀏覽
0 讚好
0 留言
雪糕有6款H記 食左cookies n cream 同mango sorbet
配料好多款任玩
最好係食froyo最重嘅爆珠都有
pancake有三隻味
斑蘭同綠茶比較特別
可以揀用紅豆或者香蕉做餡
但係師傅就話唔可以用雪糕
佢淨係可以幫你煎好塊pancake你自己再擺個雪糕入去
其實而家諗返都好多野食 完全對得住個價錢
重有晚餐送嘅焗釀蟹蓋
好大個所以我地去到好後先攞
一黎唔駛爭二黎唔驚食飽左
不過就無咩好食
面頭d魚子好咸
蟹蓋d餡其實都幾多蟹肉但係無咩特別
食左幾啖就放棄左
焗釀蟹蓋
95 瀏覽
1 讚好
0 留言
反而8點半要排隊嘅拿破崙好值得攞
一人分一舊仔
好多生果而且個酥皮好正好脆
中間層cream唔會過甜而且真係好creamy
又一高水準之作
如果唔係飽到上心口都想encore
咁連拿破崙都食埋其實就差唔多九點幾
有部份乘客都已經走咗
但係呢個時候我哋就發現啲廚師同埋員工好多都行晒出嚟圍住啲攞嘢食嘅地方行嚟行去
而且仲開始攞啲新款嘅嘢食出嚟 連凍海鮮都refill
除咗西冷仲攞埋隻燒羊髀出嚟切
其實我等左成晚就係等佢出羊
點知佢禁晏先出已經食到好飽 飽到完全食唔落野
企喺度望住啲人攞真係欲哭無淚
芝士方面本來得四款而家就有五至六款
連blue cheese都有
沙律又攞咗兩款新嘅出嚟
有個紅菜頭醃三文魚
熱葷嘅鱸魚都變咗粟米斑塊
香茅多春魚變咗烤紅鱸
燒味檔又係將啲熱辣辣嘅燒味攞晒出嚟
串燒嗰度而家真係應有盡有
你想食牛舌 雞屁股 雞皮 茄子 南瓜 番薯 香腸 應有盡有
連燒菠蘿都有任你攞
壽司同魚生又係全部擺到滿一滿
隔離淥粉面嗰度雖然啲海鮮貝殼類唔見晒
但係就有魚皮餃 雲吞 牛柏葉同埋豬腰等等
最激鬼氣嘅就係個甜品櫃本來八點幾已經冇乜蛋糕
點知佢而家又攞晒全部新款蛋糕出嚟
係之前完全未見過嘅
好似有士多啤梨tart 朱古力香蕉mousse蛋糕同埋好多其他唔同款嘅蛋糕
依家係蛋糕等人去攞 唔使排
但係因為真係食到太飽所以只可以望住啲蛋糕冇得食
搞到我勁傷心...
咁我就有走去問其中一個廚師究竟係比消夜自助餐定係俾我哋自助晚餐食嘅呢
廚師就好坦白同我講其實我哋食得落都可以繼續食架
我就問佢咁點解你哋唔早啲攞出嚟啊依家好多客人都走左啦喎
佢就話因為擺嘢食嘅地方比較細 局限左可以提供比客人嘅食物種類
所以建議客人可以慢慢食
但係以我哋嘅觀察所得
如果有人走咗出去夾啲新攞出嚟嘅嘢食啲員工係會即刻整返靚佢嘅
所以好大可能拎出嚟嘅嘢係比消夜自助餐啲客人嘅
但係如果大家想試新野嘅話真係可以留肚等佢九點之後先至出新食物嘅時候再食
因為我哋成班都已經食到好飽
坐咗一陣傾多陣計就走啦
雖然le餐真係唔平
都要成五百幾六百一個人
但係以食物種類同埋質素來講我覺得就好值嘅
而且因為試唔哂佢啲蛋糕所以我第時都會再返去幫襯
如果用openrice coupon就會有七折或者七五折
但係如果你係smartone客戶就算過咗頭100名定位都會有七折
感覺上抵少少
但係如果間唔中食豪少少呢間酒店嘅自助餐真係好值得推介好值得試
128 瀏覽
0 讚好
0 留言
張貼
