嚐館 (已結業)

前幾日，同媽咪一齊係黃大仙食飯，呢間之前都食過，原來佢多左中文名，叫嚐館，不過我真心覺得呢個名改得好好，因為的確佢餐廳可以品嚐到唔同的味道，有食肉同唔食肉的選擇，呢家食物的選擇多左好多，好岩唔同人的不同需要。我媽咪就揀左個芝士焗海鮮飯，而我就揀左個日式雜菜雜菌煎蛋飯，晚飯套餐會跟一杯飲品，我地仲額外加多一個沙律加湯同酸種麵包。坐左一陣就先上左前菜先，沙律份量都唔少，因為我自己本身好鍾意沙律菜，崇尚健康的朋友仔都好岩的，而湯就係南瓜湯，將D南瓜打成蓉，好滑又濃味，酸種麵包都唔錯，因為加熱左，所以都夠軟身，不過如果可以脆多少少就完美了。芝士焗海鮮飯方面，唔好睇少佢睇落唔算好大份，但係餐廳都落好重本，因為芝士都好多，而且海鮮好足料有蝦、魷魚、青口等，好豐富。日式雜菜菌煎蛋飯，餐廳多左好多呢D無肉選擇，岩晒好多唔食肉的朋友仔，佢地多左好多選擇，日本野好多時其實都會配搭雜菜同雜菌，所以本身件事都好夾，加上，日式汁配椰菜本身都好夾，所以令到成件事都好好食。總括黎講，我覺得嚐館唔止保持水準，而且進步左，加上菜式選擇可以迎口到不同人的口味，滿足到不同人士的需要。