Shari Shari Kakigori House 氷屋

營業中

休息中

好多甜品舖都有做刨冰，刨冰好似冇咩特別技術咁，但食落口感絕對有高低之分。呢度嘅冰刨得細緻綿密，入口有種好似雪花咁既柔順，唔會夾雜硬嘅冰粒。但與此同時，食落仍然有一定嘅質感，唔會變咗食空氣。至於口味選擇有好多，無論草莓、抹茶、牛奶、開心果等等都調味得好好。而且不時有期間限定特別配搭，間中有驚喜。呢間作為人龍熱店，排隊時已經可以落定單，一有枱就安排入座，提升流轉速度。不過服務態度良好，唔會有趕客嘅感覺，坐得舒服食得開心。