影片
更多
2025-07-22
13 瀏覽
上星期路過啟德零售館嘅Gonuts餐廳，餐廳裝修充滿現代感同溫暖色調，帶有少少文青感，店內有以一千個網球佈置的牆身，打卡一流，下午坐喺度飲杯咖啡，慢慢hea都絕對冇問題，餐廳在停車場旁，泊車好方便。小食拼盤絕對係打卡之選，包括薯條、水牛雞翼、炸口水雞、洋蔥圈同埋炸雞軟骨，每樣都香脆唔油膩。其中口水雞調味帶微辣，外皮焦香，啖啖肉；薯條熱辣辣，一食就停唔到口。能量蛋白牛油果醬沙律配香煎雞扒，蔬菜同雞扒沙律用上牛油果醬，清新又滋味，雞扒煎得剛剛好外香內嫩。沙律加入唔同蔬菜，令口感更有層次，健康又飽肚，非常健康。白松露油忌廉野菌汁卷卷意大利粉，卷卷意粉掛滿香濃忌廉野菌汁，加上白松露油提升左味道層次，每一啖都食到野菌鮮味。口感煙韌。自家製冬陰功醬雞肉比薩（熔岩火山芝士）。比薩一上枱就見到芝士拉絲效果十足，冬陰功醬底帶微辣同酸香，雞肉juicy多汁，仲有一層厚芝士，辣中帶咸香，好適合鐘意重口味嘅人。呢杯朱古力鮮奶咖啡，熱辣辣上枱，朱古力奶香滑，飲落去唔會太甜，咖啡豆煎焙味道突出，唔好會好苦。厚泡沫黑咖啡杯面泡沫厚而幼滑，咖啡本身保留住咖啡豆嘅天然果酸同微微焦香，飲落去層次感好豐富，飲完好提神。佢哋
上星期路過啟德零售館嘅Gonuts餐廳，餐廳裝修充滿現代感同溫暖色調，帶有少少文青感，店內有以一千個網球佈置的牆身，打卡一流，下午坐喺度飲杯咖啡，慢慢hea都絕對冇問題，餐廳在停車場旁，泊車好方便。
小食拼盤絕對係打卡之選，包括薯條、水牛雞翼、炸口水雞、洋蔥圈同埋炸雞軟骨，每樣都香脆唔油膩。其中口水雞調味帶微辣，外皮焦香，啖啖肉；薯條熱辣辣，一食就停唔到口。
能量蛋白牛油果醬沙律配香煎雞扒，蔬菜同雞扒沙律用上牛油果醬，清新又滋味，雞扒煎得剛剛好外香內嫩。沙律加入唔同蔬菜，令口感更有層次，健康又飽肚，非常健康。
白松露油忌廉野菌汁卷卷意大利粉，卷卷意粉掛滿香濃忌廉野菌汁，加上白松露油提升左味道層次，每一啖都食到野菌鮮味。口感煙韌。
自家製冬陰功醬雞肉比薩（熔岩火山芝士）。
比薩一上枱就見到芝士拉絲效果十足，冬陰功醬底帶微辣同酸香，雞肉juicy多汁，仲有一層厚芝士，辣中帶咸香，好適合鐘意重口味嘅人。
呢杯朱古力鮮奶咖啡，熱辣辣上枱，朱古力奶香滑，飲落去唔會太甜，咖啡豆煎焙味道突出，唔好會好苦。
厚泡沫黑咖啡杯面泡沫厚而幼滑，咖啡本身保留住咖啡豆嘅天然果酸同微微焦香，飲落去層次感好豐富，飲完好提神。
佢哋呢度慶祝生日，會有甜品畫碟，Lunch set 仲送餐湯或沙律。
依家做緊中銀信用卡商戶優惠：晚市堂食消費滿 HK$600 可享 9 折優惠，優惠期至8月30日。
張貼
