星薈

營業中

休息中

家庭聚會最啱食中菜，今日同爸媽來到這間中菜廳晚飯，之前家姐食過話呢度質素唔錯，所以今日佢同我哋來食。今日食嘅係$1288嘅2人套餐，佢係全包嘅。我哋叫咗兩個。百味豆腐 •拍蒜青瓜首先食個前菜，百味豆腐炸得金黃香脆，內裏嫩滑。青瓜爽脆，加埋香蒜同埋陳醋，好醒胃。海蛯汁龍蝦-每位半隻龍蝦新鮮，肉質爽嫩，加上甘香濃郁海蛯汁，鮮味十足。虎乳菌翡翠炒帶子帶子夠大粒，火侯剛好，帶子裏面保持鮮嫩。清蒸游水海星斑星斑蒸得好靚，啱啱熟，肉質細嫩，魚汁鮮甜，蒸魚豉油咸度剛好又提鮮。脆皮炸子雞-半隻熱辣辣香噴噴，皮脆肉嫩，雞肉juicy。羊肚菌杞子浸菜苗清清地的菜解一解油膩再食甜品。原個蛋黄壽桃包呢個招牌壽桃包同以往一樣大大個，個包食落好軟熟，再加埋香甜蓮蓉同埋鹹香漏油鹹蛋黃，非常滿足。精美甜品紅豆沙清甜，散發少少果皮香，不錯。