影片
更多
2024-11-01
343 瀏覽
之前食開葵涌主店，返工每星期都總有一日Lunch食佢！最重要係佢勁多選擇，豬牛雞羊都有，就算有同事係素食都冇問題，總有一款岩食！近呢幾年開左分店就唔洗下下去葵涌食，同埋尖沙咀呢間比起葵涌店仲闊落，繁忙時間都唔洗等太耐。🍔黑松露芝士牛堡 $54★★★★☆超級邪惡，黑松露醬多到漏哂出黎，食落creamy仲好濃味，唔係普通奶味重個款！牛肉漢堡排煎左幾香，Juicy咬落多肉汁，加埋溶咗嘅芝士，大滿足！麵包幾鬆軟，有空氣感！中間仲有生菜、蕃茄餡，所以整體平衡番，唔會太膩！加錢$18套餐，有最愛蕃薯條，咸甜脆卜卜，超好食！🍔蝦牛堡 $64 ★★★★☆黎到嚇親，超級高身，蝦滑做成扒狀，同牛肉漢堡排成一比一Size，蝦餅厚得黎煎到金黃香口，食落幾彈牙，唔會全部係粉，加埋塊牛，層次勁豐富！不過太高，真係要大口大口咁食，食得比較狼狽！另外呢份套餐叫左薯餅，都係熱辣辣，食落仲係脆口，唔係淋哂。我仲加左$10要兩隻BBQ味雞翼，超級濃，就係平時豬仔骨個隻，入味之餘雞肉唔鞋，幾抵食！🌟總結：高質漢堡包店，款式多，價錢好合理，每隔一排都會想食嘅快靚正burger！
之前食開葵涌主店，返工每星期都總有一日Lunch食佢！最重要係佢勁多選擇，豬牛雞羊都有，就算有同事係素食都冇問題，總有一款岩食！近呢幾年開左分店就唔洗下下去葵涌食，同埋尖沙咀呢間比起葵涌店仲闊落，繁忙時間都唔洗等太耐。
🍔黑松露芝士牛堡 $54★★★★☆
超級邪惡，黑松露醬多到漏哂出黎，食落creamy仲好濃味，唔係普通奶味重個款！牛肉漢堡排煎左幾香，Juicy咬落多肉汁，加埋溶咗嘅芝士，大滿足！麵包幾鬆軟，有空氣感！中間仲有生菜、蕃茄餡，所以整體平衡番，唔會太膩！加錢$18套餐，有最愛蕃薯條，咸甜脆卜卜，超好食！
🍔蝦牛堡 $64★★★★☆
黎到嚇親，超級高身，蝦滑做成扒狀，同牛肉漢堡排成一比一Size，蝦餅厚得黎煎到金黃香口，食落幾彈牙，唔會全部係粉，加埋塊牛，層次勁豐富！不過太高，真係要大口大口咁食，食得比較狼狽！另外呢份套餐叫左薯餅，都係熱辣辣，食落仲係脆口，唔係淋哂。我仲加左$10要兩隻BBQ味雞翼，超級濃，就係平時豬仔骨個隻，入味之餘雞肉唔鞋，幾抵食！
🌟總結：高質漢堡包店，款式多，價錢好合理，每隔一排都會想食嘅快靚正burger！
張貼
