影片
更多
2019-10-01
112 瀏覽
近來出外吃飯訂位容易多了，星期四訂星期五的也沒問題，網上訂位有注明用餐90分鐘，心想如沒人等位應該唔會被趕走卦！地方都幾大，連同隔離的樂天皇朝，全層都係同一集團的。呢度食粤菜（呀，好似有講星加坡菜）基本上大部分熟悉的廣東菜都有，菜牌照片精美，好多都有大、中、小size 選擇，到底什麼是大什麼是小？係唔知嘅，侍應也無法准確說明，按正路思維，三人應該可以小，或者揀多D其他，結果，是對的，小的分量正好，唔會太少。小食海蜇頭好爽口，有好多青瓜（即係海蜇好少）有大量醋浸住，多到可以當湯飲。小食椒鹽淮山炸得好脆，𥚃面的淮山薄過1mm, 師傅刀功唔錯。脆皮雞半隻照片比較深色，深色感覺會入味D（可能視覺影響味覺），實物淺色D，真係唔多覺炸子雞果種香脆，伴有彩色蝦片，唔脆嘅蝦片，可以慳番。蝦仁豆腐煲呢個好味，豆腐好像有加入蛋，所以味道無咁單一，蝦仁大隻爽口，Good 金銀蛋波菜好多金銀蛋，一D都唔孤寒，波菜仲好青綠， LIKE咸魚雞粒炒飯個飯較濕，唔通炒王無用隔夜飯？好多鷄肉（我想食飯呀！），夠咸魚味，以小size 黎講呢個好大碟。甜品桂花斑蘭椰汁糕再次證明唔好貪靚，呢個造型係無得等，一碟6件又好似幾扺
地方都幾大，連同隔離的樂天皇朝，全層都係同一集團的。
呢度食粤菜（呀，好似有講星加坡菜）基本上大部分熟悉的廣東菜都有，菜牌照片精美，好多都有大、中、小size 選擇，到底什麼是大什麼是小？係唔知嘅，侍應也無法准確說明，按正路思維，三人應該可以小，或者揀多D其他，結果，是對的，小的分量正好，唔會太少。
小食海蜇頭
好爽口，有好多青瓜（即係海蜇好少）有大量醋浸住，多到可以當湯飲。
小食椒鹽淮山
炸得好脆，𥚃面的淮山薄過1mm, 師傅刀功唔錯。
脆皮雞半隻
照片比較深色，深色感覺會入味D（可能視覺影響味覺），實物淺色D，真係唔多覺炸子雞果種香脆，伴有彩色蝦片，唔脆嘅蝦片，可以慳番。
蝦仁豆腐煲
呢個好味，豆腐好像有加入蛋，所以味道無咁單一，蝦仁大隻爽口，Good
金銀蛋波菜
好多金銀蛋，一D都唔孤寒，波菜仲好青綠， LIKE
咸魚雞粒炒飯
個飯較濕，唔通炒王無用隔夜飯？好多鷄肉（我想食飯呀！），夠咸魚味，以小size 黎講呢個好大碟。
甜品桂花斑蘭椰汁糕
再次證明唔好貪靚，呢個造型係無得等，一碟6件又好似幾扺，但，呢三種味撞到彭彭聲。斑蘭和椰汁是ok, 點解要加桂花糕？如果一啖吃齊3種味，真係好予盾，好怪。
樂天集團在香港有好多食肆，一般口碑不錯，呢度食物中規中矩，座位寬敞舒服，價錢唔算貴，交通方便，如果想同朋友吃飯聊天，這裡還是可以的。
張貼
