影片
更多
2019-10-28
1028 瀏覽
難忘既生日蛋糕、驚喜第一次同男朋友慶祝佢生日🎂諗黎諗去都無咩頭緒，就決定我發辦帶佢去試我一直想試既「寿司の神」第一次係香港試🍣🍣OMAKASE因為想比驚喜男友，訂位就已經問定有無生日牌/蠟燭之類好好彩，雖然唔可以好似西餐廳咁係甜品加啲朱古力寫字但佢地好熱心，都話可以提供蠟燭咁我想講定自己會帶個生日牌，想佢地到時放埋係甜品度佢地一口就應承太好了係當日我地就每人叫左一set💸橫掂都係貴！一於豪啲啦“お造リ、つまみ5品+寿司十貫” $1280首先真係驚喜不斷，一開始感受到店內環境太靜已經有啲坐立不安😣😣但師傅好快就放左啲生姜、醃製蒜頭、牛蒡、新鮮淮山etc 比口痕痕既客人享用住再向我地介紹眼前既漬物（重點可以不停refill)慢慢等我地既大餐前菜：南瓜蓉豆腐 上面放左一片芥末葉 好清香 同唔辣既啲魚子食落咸咸地 加埋啲豆腐夠凍夠滑連埋三樣一齊食 更加開胃開始刺身5款：生蠔我就唔多介紹，當造夠新鮮就好味！鋪左塊金箔幾高級咁我一啖就食晒！幾creamy但一啲都唔膩上面個個酷似豬腦既物體叫「白子」一開始望個樣係有少少抗拒仲要話係魚既內臟😳😳真係少食 唔洗客氣啦但都決定試下，因為師傅話呢期係當造同最
第一次同男朋友慶祝佢生日🎂
諗黎諗去都無咩頭緒，就決定我發辦
帶佢去試我一直想試既「寿司の神」
第一次係香港試🍣🍣OMAKASE
因為想比驚喜男友，訂位就已經問定有無生日牌/蠟燭之類
好好彩，雖然唔可以好似西餐廳咁係甜品加啲朱古力寫字
但佢地好熱心，都話可以提供蠟燭
咁我想講定自己會帶個生日牌，
想佢地到時放埋係甜品度
佢地一口就應承太好了
係當日我地就每人叫左一set💸
橫掂都係貴！一於豪啲啦
“お造リ、つまみ5品+寿司十貫” $1280
首先真係驚喜不斷，一開始感受到店內環境太靜
已經有啲坐立不安😣😣
但師傅好快就放左啲生姜、醃製蒜頭、牛蒡、新鮮淮山etc 比口痕痕既客人享用住
再向我地介紹眼前既漬物
（重點可以不停refill)
慢慢等我地既大餐
前菜：南瓜蓉豆腐
上面放左一片芥末葉 好清香 同唔辣既
啲魚子食落咸咸地 加埋啲豆腐夠凍夠滑
連埋三樣一齊食 更加開胃
開始刺身5款：
生蠔我就唔多介紹，當造夠新鮮就好味！
鋪左塊金箔幾高級咁
我一啖就食晒！幾creamy但一啲都唔膩
上面個個酷似豬腦既物體叫「白子」
一開始望個樣係有少少抗拒
仲要話係魚既內臟😳😳真係少食 唔洗客氣啦
但都決定試下，因為師傅話呢期係當造同最新鮮
又話日本人當呢個補品 又美顏心心眼
喂！一啲都唔腥！而且好滑同質地軟軟地
其實比較淡味，但可以一試！
啲刺身太多種類，個名師傅介紹完我都係會唔記得
記錯唔好見怪🤭🤭重點講我特別回味既🤤
蟹蓋🦀
係蓋下面放左少少醃製昆布
而蓋試面好多蟹子、蟹肉同膏
好足料！信我！真係一啲都唔膩
因為朵食用花係少少甘甘地，而橙色啫喱狀既係柚子味既
我撈埋一齊食落酸酸甜甜，愈食愈開胃
同我最鍾意佢地裝食飯既器皿，珍珠貝咁既色好靚❤️
深海池魚（以前係尖沙咀樂道附近食話一間原條池魚刺身，但都無呢個咁肥美）
新鮮鯖魚
蜜柑鯛呢個好驚喜！
隻柑味好重！聞都好香
好醒胃！都係酸酸甜甜🤤岩我口味
我個人最鍾意既係以下3款
筋子
以前好怕啲魚子好腥，但原來新鮮既係零舍不同
22 瀏覽
0 讚好
0 留言
最期待既拖羅
放係手咁食既海膽好特別
自家釀製既梅酒好易入口🥃
重中之重既生日壽司蛋糕！
原本諗住佢都係係甜品位幫我放牌仔
師傅好鬼馬偷偷係我地面前整個壽司蛋糕
好彩我個蠢豬男朋友完全無發現
好感動！師傅ありがとう❗️
洋蔥湯忘記了影，
食埋個好甜既哈密瓜，畫試圓滿句號🥰
下次自己都試下學師傅咁噴啲whiskey 咁食、甜啲
張貼
