影片
更多
2019-05-11
135 瀏覽
前菜:他他牛主菜:比目魚 及 牛扒甜品: tiramisu首先講聲唔好意思，純粹文字描述，因為當晚氣氛唔係好應該影相。先講餐廳環境雖然燈光有啲暗但係氣氛好好， 好多後生仔，三五知己成班friend一齊嚟食生日飯，好開心仲笑得好大聲添。。。入正題，餐包，可能係咁多個環節當中相對比較失色嘅一項， 啲包有少少硬 同埋如果有少少微暖會好啲， 另外點餅乾棒嗰個醬就好好食， 好醒胃。 另外，他他牛嘅味道其實係偏淡嘅，好多人以為生牛肉味道一定好濃烈啦， 但係食起上嚟其實一啲都唔濃，味道仲幾輕盈添，開頭我見到佢咁大份，仲驚食完已經滯到食唔到主菜，好彩廚師明白前菜嘅真緒，都幾輕手。加錢轉咗個牛肝菌湯， 因為唔係我飲，所以我只可以敘述畀大家聽味道夠濃，屬於重口creamy類型，但即使味道真係濃郁，我坐係對面係聞唔到香味既，可能當晚爆場，週圍太多吾同既香味令我聞唔到跟餐既沙律前菜好大份差唔多有二人份量， 而且味道唔差， 除咗黑醋檸檬汁橄欖油之外仲有其他香料/汁醬，不過我食唔出係乜，不過絕不揸流灘，係誠意之作主菜先嚟咗比目魚，相比起餐湯，呢個比目魚嘅香味一拎埋枱就撲鼻而來， 啱啱煎起嘅比目魚，果種香味令我講咗
主菜:比目魚 及 牛扒
甜品: tiramisu
首先講聲唔好意思，純粹文字描述，因為當晚氣氛唔係好應該影相。
先講餐廳環境雖然燈光有啲暗但係氣氛好好， 好多後生仔，三五知己成班friend一齊嚟食生日飯，好開心仲笑得好大聲添。。。
入正題，餐包，可能係咁多個環節當中相對比較失色嘅一項， 啲包有少少硬 同埋如果有少少微暖會好啲， 另外點餅乾棒嗰個醬就好好食， 好醒胃。 另外，他他牛嘅味道其實係偏淡嘅，好多人以為生牛肉味道一定好濃烈啦， 但係食起上嚟其實一啲都唔濃，味道仲幾輕盈添，開頭我見到佢咁大份，仲驚食完已經滯到食唔到主菜，好彩廚師明白前菜嘅真緒，都幾輕手。
加錢轉咗個牛肝菌湯， 因為唔係我飲，所以我只可以敘述畀大家聽味道夠濃，屬於重口creamy類型，但即使味道真係濃郁，我坐係對面係聞唔到香味既，可能當晚爆場，週圍太多吾同既香味令我聞唔到
跟餐既沙律前菜好大份差唔多有二人份量， 而且味道唔差， 除咗黑醋檸檬汁橄欖油之外仲有其他香料/汁醬，不過我食唔出係乜，不過絕不揸流灘，係誠意之作
主菜先嚟咗比目魚，相比起餐湯，呢個比目魚嘅香味一拎埋枱就撲鼻而來， 啱啱煎起嘅比目魚，果種香味令我講咗聲"好香喎"不過食尼款主菜果位食客 掛住講電話 應該都係聞唔到㗎喇。。。
食落去魚嘅肉質係鮮嫩嘅，另外配喺底嘅醬汁 亦都屬於濃郁類型，雖然唔係好食到魚嘅鮮味不過配起上嚟真係幾搶口， 只不過個主菜嘅份量略嫌細份咗啲， 如果魚嘅份量多返三分之一咁就perfect喇。
重點係塊牛扒，塊牛扒燒得啱啱好，因為砌落去嘅時候無乜血絲， 但係睇到牛肉嘅心係鮮嫩紅色嘅，而且切落去一啲都冇散，肉嘅纖維係好實淨嘅，應該冇攞鬆肉粉處理過，嗰種實淨嘅程度，令我曾經懷疑過佢係咪雪藏過，因為切到去中間嘅時候有少少阻力，但係我又唔係好食到雪藏味喎。
同比目魚一樣，牛扒嘅質素係ok嘅，礙於佢有size分別，每一種size係唔同價錢嘅，但係配菜方面可以多番少少就最好啦，雖然牛味唔係超級濃，但係以咁樣嘅價錢，做到咁嘅水準其實都好好啦。另外要讚一讚，擺喺牛扒底嘅配菜同鮮薯蓉，真係做得非常之有心機，重好好食添。
最後係terimisu，叫咗一份足夠兩個人食， 提醒各位如果叫tiramisu嘅話一上枱真係要即刻食唔好等喇，因為食食下佢係會扁咗㗎， 證明啲咩？證明佢好新鮮囉! 而且味道亦都係非常唔錯嘅，唔會一味得個甜字，食得出各種配料層次分明，但係又配合得相當之好喎，好正囉!
張貼