寶時茶餐廳

營業中

休息中

土瓜灣舊區之中，收藏住不少舊香港既事物。 其中就包括呢間，而家可能執一間少一間，有分樓上樓下既兩層茶餐廳。由招牌所用既字體，店門口既包餅部，到店內陳設，樓梯，卡位，牆上各種手寫餐牌，送餐既𨋢等等，都好有年代感。 入到嚟好似進入咗時光隧道咁。至於食物選擇同水平，亦一樣好有年代感， 充滿街坊情懷。抄貴刁上枱熱度還可以，有少少鑊氣，但同大排檔比就有一段距離。 味道亦係一如預期既落重料。蛋牛治烘底烘得幾脆，蛋牛嘅厚度尚可，生熟程度適中。凍奶茶茶味都夠。有時，唔一定要高級美食，街坊情懷都可以好快樂。