依間嘢真係超級極大伏 （😵伏到唔可以用普通嘅詞語去形容）
幾年前幫襯過，都覺得係below average。
今日約五點經過，就再去試個叉燒燒肉飯（$42），個飯嚟到，個賣相已經唔想食（真係無mood影低佢），個樣和質素一定差過兩餸飯極多，「碟飯」有五嚿瘦叉，四嚿七分瘦燒肉。
先講瘦叉，睇個顏色四嚿同一批，極「鞋」，另外一嚿搭頭頭尾尾，衰到多筋食唔到
然後燒肉，都係好「鞋」，同埋有幾粒淋同硬身的燒肉皮（已經唔記得係唔係每嚿都有皮，😓又淋又硬真係唔要皮好過）
成個飯一定差過兩餸飯同埋果啲二幾蚊一個外賣雙併燒味飯。
但最神奇係好多人買燒味或燒味飯外賣（🤔唔知係唔係啲好嘢（如果有）留晒做外賣？？）
強烈建議，執咗堂食只做外賣，一來慳租金，二來唔洗令人有咁「難忘」嘅經歷。
