傳承清湯腩專家

營業中

休息中

本身都鐘意食清湯腩，經過見到呢間好似新開未試過，當然要入黎試下。時間係星期日下午6點左右，一入餐廳店員就話餐牌頭3樣已經賣晒，如果想食崩沙腩、爽腩、牛筋既朋友就，就要注意下喇。餐牌上有樣野令我好驚訝，就係有牛鞭食，我朋友仔仲話下次要試下。清湯坑腩河 (加牛丸)坑腩肉質好稔，咬落仲有好香油脂香味滲出黎，夾雜香濃既牛味，非常唔錯，值得推介。而另外加配既牛丸亦好彈牙有牛味。清湯牛腩河牛腩相對比坑腩冇咁出色，肉質都好稔，但就小咗果陣油脂香，牛味就比較重，但都好食唔錯。總結：絕對會再幫襯。