影片
更多
2021-11-11
1596 瀏覽
今日同屋企人總共5個人黎食晚飯，諗住係普通中菜，點知原來係一間臥虎藏龍既酒樓，超級出色既一餐佳餚！先講一下觀感，一入門口已經見到間店十分光猛，裝修好靚，而且每張枱分得好開，唔會好迫，絕對唔怕你坐後或行出行入會撞到後面。再黎就係衛生，去親茶樓都一定會拎洗餐具，但老實講，呢到d碗筷我覺得唔洗都冇問題，而且服務質素一流，上菜快之餘d員工都好nice同有禮貌重頭戲就梗係到食物啦！(5分滿分）先唔講味道住，淨係個溫度已經贏左，佢基本上全部菜都係即叫即整，上到黎熱辣辣，聞到都已經好想食，賣相又靚，真係色香味俱全！秘製陳醋豬手($88) (5分）第一碟先食左個冷盤，呢個菜真心出色，豬手夠腍之餘又好入味，特別係佢個汁，酸酸甜甜好開胃，呢個絕對會encore。跟住就到主菜啦！山楂咕嚕肉($108) (5分)呢個好似係其中一樣招牌菜，色澤已經好吸引，完全冇任何骨，啖啖肉！個汁調較得十分之好，唔會好似有啲餐廳特別酸or甜，會想一舊接一舊。酥炸牛肋條($268)(5分）聽講呢味餸係師傅既自創菜式，外脆內軟，啲肉入口即溶，香脆可口，加埋佢有個秘製汁，一碟餸已經可以排幾碗飯！雖然佢價錢較貴，但分量十足同埋工序繁複
先講一下觀感，一入門口已經見到間店十分光猛，裝修好靚，而且每張枱分得好開，唔會好迫，絕對唔怕你坐後或行出行入會撞到後面。再黎就係衛生，去親茶樓都一定會拎洗餐具，但老實講，呢到d碗筷我覺得唔洗都冇問題，而且服務質素一流，上菜快之餘d員工都好nice同有禮貌
重頭戲就梗係到食物啦！(5分滿分）
先唔講味道住，淨係個溫度已經贏左，佢基本上全部菜都係即叫即整，上到黎熱辣辣，聞到都已經好想食，賣相又靚，真係色香味俱全！
秘製陳醋豬手($88) (5分）
第一碟先食左個冷盤，呢個菜真心出色，豬手夠腍之餘又好入味，特別係佢個汁，酸酸甜甜好開胃，呢個絕對會encore。
秘製陳醋豬手
$88
39 瀏覽
0 讚好
0 留言
跟住就到主菜啦！
山楂咕嚕肉($108) (5分)
呢個好似係其中一樣招牌菜，色澤已經好吸引，完全冇任何骨，啖啖肉！個汁調較得十分之好，唔會好似有啲餐廳特別酸or甜，會想一舊接一舊。
山楂咕嚕肉
$108
59 瀏覽
1 讚好
0 留言
酥炸牛肋條($268)(5分）
聽講呢味餸係師傅既自創菜式，外脆內軟，啲肉入口即溶，香脆可口，加埋佢有個秘製汁，一碟餸已經可以排幾碗飯！雖然佢價錢較貴，但分量十足同埋工序繁複，所以我覺得性價都算高，最少你去第2度唔會食到同樣既味道！
酥炸牛肋條
$268
50 瀏覽
0 讚好
0 留言
老壇酸菜魚($218) (5分）
呢個菜簡直係估你唔到！佢居然係用龍躉去整酸菜魚，所以完全冇骨啖啖肉之餘個口感仲要好爽口，而且佢嘅酸辣度調校得啱啱好，我敢肯定食既人會想飲下佢d湯。
老壇酸菜魚
$218
38 瀏覽
0 讚好
0 留言
粉絲什菜煲($108)(4分）
呢個菜份量十足，而且好明顯無偷工減料，蝦米、冬菇、八爪魚，全部都大大舊係到，而且d菜唔會過硬or腍，d湯都調得好味。
粉絲什菜煲
$108
99 瀏覽
0 讚好
0 留言
大閘蟹($128-1隻) (5分）
最後我地仲專登預訂左大閘蟹食，因為季節性食材，宜家唔食就好耐都無得再食。我地食左5隻都係公既，D鮮味同蟹膏爆發曬出黎，原本我自己麻麻地海鮮都食曬成隻！
大閘蟹
$640
56 瀏覽
0 讚好
0 留言
最後老闆仲好好人請我地食左個紅豆沙同芒果布甸，個芒果布甸真係啖啖芒果肉，如果有得買番去日日食就好啦
總結：滿足既一餐
張貼
