影片
更多
2022-01-05
1477 瀏覽
裝修勁靚, 近𨋢果邊既天花掛滿左日式既紙傘同燈籠🏮 再行入啲就會見到好靚既掛燈, 感覺就好似係星空下食野咁✨除左裝修靚之外, 食物既選擇都幾多, CP值幾高📈海鮮土瓶蒸🦞($68)見張相有曬啲海鮮插曬係個茶壺度幾得意就叫黎試下, 但係黎到見到個茶壺, 但係見唔到啲海鮮😂 好似平日飲茶咁將個海鮮湯倒落茶杯飲, 海鮮味道勁濃, 特別係蜆既味道最突出, 顏色帶少少奶白色, 係幾值得試既👍🏽Nami卷🍣($168)呢度既signature卷物又點可以唔試呀😉 呢個卷真係勁足料, 有大量既吞拿魚腩蓉, 一舊勁creamy既海膽同埋少量既三文魚籽, 飯既中間仲夾左一小舊蛋🥰 口感勁豐富, 而且所有食料都勁新鮮, 係食既時候有啲難度, 因為都幾大舊, 好難一次擺曬落口, 無論味道定係顏值都爆曬登🤩火灸蔥吞拿魚腩🔥($128)吞拿魚腩黎到既時候Staff會即場係你面前用火槍燒啲魚腩🙂 至於食既話就要自己用紫菜包飯, 點生蛋漿, 落魚腩同埋wasabi, 有得玩又有得食, 火灸左既魚腩帶多一份油香, 都幾正🤤日本阿波尾雞擔擔拉麵🍜(4138)係飯同麵既選擇之下揀左呢個擔擔麵, 味道辣辣地, 但又唔係好刺
裝修勁靚, 近𨋢果邊既天花掛滿左日式既紙傘同燈籠🏮 再行入啲就會見到好靚既掛燈, 感覺就好似係星空下食野咁✨除左裝修靚之外, 食物既選擇都幾多, CP值幾高📈
海鮮土瓶蒸🦞($68)
見張相有曬啲海鮮插曬係個茶壺度幾得意就叫黎試下, 但係黎到見到個茶壺, 但係見唔到啲海鮮😂 好似平日飲茶咁將個海鮮湯倒落茶杯飲, 海鮮味道勁濃, 特別係蜆既味道最突出, 顏色帶少少奶白色, 係幾值得試既👍🏽
Nami卷🍣($168)
呢度既signature卷物又點可以唔試呀😉 呢個卷真係勁足料, 有大量既吞拿魚腩蓉, 一舊勁creamy既海膽同埋少量既三文魚籽, 飯既中間仲夾左一小舊蛋🥰 口感勁豐富, 而且所有食料都勁新鮮, 係食既時候有啲難度, 因為都幾大舊, 好難一次擺曬落口, 無論味道定係顏值都爆曬登🤩
火灸蔥吞拿魚腩🔥($128)
吞拿魚腩黎到既時候Staff會即場係你面前用火槍燒啲魚腩🙂 至於食既話就要自己用紫菜包飯, 點生蛋漿, 落魚腩同埋wasabi, 有得玩又有得食, 火灸左既魚腩帶多一份油香, 都幾正🤤
日本阿波尾雞擔擔拉麵🍜(4138)
係飯同麵既選擇之下揀左呢個擔擔麵, 味道辣辣地, 但又唔係好刺激果種, 比起中式既擔擔麵佢冇咁濃既花生醬味, 我個人本身麻麻地花生醬, 所以我鐘意食呢個多啲🤓 麵既部分就用左日式拉麵, 可以完美咁沾滿曬啲醬, 同埋有好多嫩滑既雞肉, 真係好味到想自私食曬成碗😂
呢間餐廳地點方便, CP 值勁高, 最緊要啲野夠新鮮, 而且地方超大, 所以坐得好舒服, 絕對會再Encore😉
張貼
