影片
更多
5天前
0 瀏覽
「Nonsense」位於土瓜灣超人氣西日餐廳，主打世一日式煲仔飯和巴斯克蛋糕，食過嘅客人都一定會回頭包括我，每晚人氣爆燈，晚市可以做到兩轉枱，到九點仍然有客人排隊，可想言之有多受歡迎👍👍今日和朋友特別嚟食晚餐，當然為咗煲仔飯而來，仲有佢哋研究咗好耐，最新推出咗新甜品「U型麻糬拿破崙」，仲要有我最鍾意嘅開心果口味，唔係唔試呀嘛😊😊▪️黑松露蘑菇湯新鮮即打，松露蘑菇味道超濃，入口Creamy濃香，仍然食到粒粒蘑菇，夠晒足料▪️西班牙風乾火腿蜜瓜芝士沙律沙律菜新鮮，配合蜜瓜、西班牙火腿和芝士，再加上甜酸的醬汁的沙律醬汁，味道鹹甜鹹甜的組合，好開胃▪️澳洲和牛封門柳大啡菇超高質的牛肉，生熟程度剛好入口牛味超濃，口感軟腍，加上大啡菇配合燒汁已經夠晒惹味，撈埋蘭王蛋黃一齊食，加倍滑溜味道提升至另一層次▪️ 黑松露薯條去到邊度都要食薯條，粗薯條新鮮即炸，熱辣辣外脆內軟，沾上薯條最佳拍檔黑松露醬和茄汁，一條一條食唔停口▪️西班牙黑毛豬肋肉日式煲仔飯全晚最期待嘅主角出場，每枱必點當然絕對唔會令你失望，新鮮滾熱辣，一打開煲蓋香氣撲鼻，撈勻晒所有食材加上甜醬油，黑毛豬肉爽口彈牙夠晒入味，加上香菇和吸收晒所有精華嘅醬油
今日和朋友特別嚟食晚餐，當然為咗煲仔飯而來，仲有佢哋研究咗好耐，最新推出咗新甜品「U型麻糬拿破崙」，仲要有我最鍾意嘅開心果口味，唔係唔試呀嘛😊😊
▪️黑松露蘑菇湯
新鮮即打，松露蘑菇味道超濃，入口Creamy濃香，仍然食到粒粒蘑菇，夠晒足料
▪️西班牙風乾火腿蜜瓜芝士沙律
沙律菜新鮮，配合蜜瓜、西班牙火腿和芝士，再加上甜酸的醬汁的沙律醬汁，味道鹹甜鹹甜的組合，好開胃
▪️澳洲和牛封門柳大啡菇
超高質的牛肉，生熟程度剛好入口牛味超濃，口感軟腍，加上大啡菇配合燒汁已經夠晒惹味，撈埋蘭王蛋黃一齊食，加倍滑溜味道提升至另一層次
▪️ 黑松露薯條
去到邊度都要食薯條，粗薯條新鮮即炸，熱辣辣外脆內軟，沾上薯條最佳拍檔黑松露醬和茄汁，一條一條食唔停口
▪️西班牙黑毛豬肋肉日式煲仔飯
全晚最期待嘅主角出場，每枱必點當然絕對唔會令你失望，新鮮滾熱辣，一打開煲蓋香氣撲鼻，撈勻晒所有食材加上甜醬油，黑毛豬肉爽口彈牙夠晒入味，加上香菇和吸收晒所有精華嘅醬油米飯，真係好味道到非筆墨能形容，食到最尾仲有飯焦，簡直係人間美味，唔食你必定會後悔，食完之後又會成日心思思想再食😆😆
▪️U型開心果拿破崙配豆腐雪糕
店主聲稱嘔心瀝血之作，當然係製作U型拿破崙比普通拿破崙，特別要花技巧焗製，不負眾望味道出色，口感特別酥脆，中間原來有麻糬，再放上特濃開心果醬和開心果碎，三重口感酥脆、煙靭、Creamy集於一身，真係好味道，仲要加上靚到核爆嘅布丁狗畫碟，誰人能抵擋得住？
▪️開心果巴斯克軟心芝士蛋糕
唔需要多介紹，世一巴斯克芝士蛋糕，食過當中最好，開心果味超濃，喜歡這個口感，外層口感紮實中間柔潤Creamy，嚟到一定要食
▪️Mango Smoothies
新鮮即打好足料，芒果味超香濃，而且口感濃郁又細滑，味道帶芒果的清香，而且唔太甜，好飲
▪️Americano Coffee
無論日與夜，有黑咖啡嘅地方我都會支持，猶如上癮一般，味道甘香帶輕酸，是我喜歡的味道
張貼
