馬祖 (將軍澳廣場) (已結業)

已經有一段時間冇去食火鍋，趁住有閒就同屋企人一齊去將軍澳廣場馬祖嘆返個台式火鍋放題，依度嘅湯底差吾多全部都係藥膳湯底，而且1人1鍋，各人因應自己口味揀。最後選擇台灣藥膳麻油雞湯及藥膳台灣沙茶湯。$298放題有美國prime grade極上牛頸脊、西班牙伊比利亞黑毛豬、prime grade牛肩胛肉、西班牙無激素豬肉片冇限任點，全部肉質鮮嫩可口，最緊要新鮮又黎得快。其他自取食物有好多，包括台灣沙茶牛肉、精選雞腿肉、深海魚柳、蟹柳、各式台灣餃、台灣腸、芝心丸、响鈴、蔬菜、菇類、雲耳等等數之不盡，仲有各樣冷熱飲品，雪糕同雪條無限量任食添！