添記燒臘飯店

營業中

休息中

每次經過添記，都一定有好長嘅人龍。聽街坊講都話好好食，之前一直都冇機會買到嚟食嘅，中午前就會賣晒。今日難得一朝早去咗銀行，處理完畢，只是早上10點，心諗，不如行過去添記睇吓。好好彩只有五六個人排隊，等咗15分鐘多啲，就到我啦。睇住老闆細心快手，手起刀落去切隻鵝脾。天氣咁熱，就買返屋企食啦。因為堂食坐嘅地方環境都唔算非常理想。返到屋企，煮一個湯米粉，配燒鵝鴨髀。成間屋都香噴噴，燒鵝的確係有炭香味。每一口都非常多汁，沾蘇梅醬，好正。