影片
更多
2020-05-27
70 瀏覽
之前已經食過呢間酒家既白胡椒蟹，當日媽媽食到津津有味，成日心思思想再嚟食多次。適逢生日，今日又再黎到譽宴食中菜💕 譽宴觀塘分店位於鱷魚恤中心，喺地鐵站隔離，交通非常便利。而且食物、環境同服務都相當唔錯。燒味拼盤可以一次過滿足我三個願望，包括叉燒、燒腩仔同海蜇。叉燒好香口，表面甜絲絲既味道應該係蜜汁。燒腩仔皮非常酥脆，肉同脂肪比例亦都啱啱好。而海蜇係涼拌黎，質感爽口，伴有微酸既開胃醬汁。我最鍾意就係飲湯，黑蒜螺頭燉雞湯就岩曬我💕平時煲老火湯成日拿掐唔到水既份量同時間，偶然都會失敗，浪費左嘅心機時間，所以我好少自己係屋企煲湯。今日係呢度飲到一碗咁出色嘅湯真係好幸福呀！黑蒜螺頭燉雞湯香氣逼人，味道香濃唔單調，黑蒜質地香軟，螺頭又吸引曬啲湯汁，味道相當出色。坑州香醋一口骨令我好有驚喜，香醋嘅調味比例恰如其分，唔會過份地酸，反而吸引到我一口接一口咁不停食，趁熱食真心好香又好味。黑椒金薯牛仔粒就比較偏重口味，雖然黑椒味香濃但一啲都唔嗆辣，牛仔粒生熟度控制得啱啱好，肉質唔老仲好香好軟嫩。而配菜有香脆既金薯同多汁鮮甜既菇，令人好回味😋乾隆石鍋炒飯都相當有水準，炒飯熱辣辣，米飯係金黃色，炒到粒粒分明，而
燒味拼盤可以一次過滿足我三個願望，包括叉燒、燒腩仔同海蜇。叉燒好香口，表面甜絲絲既味道應該係蜜汁。燒腩仔皮非常酥脆，肉同脂肪比例亦都啱啱好。而海蜇係涼拌黎，質感爽口，伴有微酸既開胃醬汁。
我最鍾意就係飲湯，黑蒜螺頭燉雞湯就岩曬我💕平時煲老火湯成日拿掐唔到水既份量同時間，偶然都會失敗，浪費左嘅心機時間，所以我好少自己係屋企煲湯。今日係呢度飲到一碗咁出色嘅湯真係好幸福呀！黑蒜螺頭燉雞湯香氣逼人，味道香濃唔單調，黑蒜質地香軟，螺頭又吸引曬啲湯汁，味道相當出色。
坑州香醋一口骨令我好有驚喜，香醋嘅調味比例恰如其分，唔會過份地酸，反而吸引到我一口接一口咁不停食，趁熱食真心好香又好味。
黑椒金薯牛仔粒就比較偏重口味，雖然黑椒味香濃但一啲都唔嗆辣，牛仔粒生熟度控制得啱啱好，肉質唔老仲好香好軟嫩。而配菜有香脆既金薯同多汁鮮甜既菇，令人好回味😋
乾隆石鍋炒飯都相當有水準，炒飯熱辣辣，米飯係金黃色，炒到粒粒分明，而且夠乾身。仲有海鮮同蔬菜一齊少，食落口感豐富，唔會單調。
最後以紅荳沙作結，非常滿足既一餐。
張貼
