影片
更多
2019-03-04
668 瀏覽
種種原因，等左幾年終於可以黎試下。8點左右黎到，當時叫飛叫到86左右，而我地拎既票號係92號，等左20分鐘先入得，等候時間都可以接受嘅樓面mark籌嘅姐姐禮貌程度滿分，有笑容！夠客氣！等位中途見佢唔小心miss左一個籌既客人立即say sorry幾次，之後即刻安排該客人入位見就黎到我地入坐之前樓面mark籌姐姐就會俾張食物表俾我地睇下先------------------------------最後我地決定左叫2人餐268蚊免加一算係咁 食物上枱速度快三文魚好食..係好食過出面放題果D嘅 (其他我就冇食喇..食物敏感)p.s.因為女朋友係舊福緣跟住依家既禾彩老闆打工，轉左店就冇黎幫襯過。幾年後第一次回到＂老家＂食晚飯，所以食物份量就多少少。花之戀都好好食和風炒雜菜 對我黎講就岩岩好夠味，但對食慣重口味既人黎講會冇乜味道雜菜天婦羅全部都好食，炸粉唔厚，食物新鮮滾熱辣，眾食到食物本身應有既味道燒汁牛肉拉麵一上枱我係估唔到大碗，好香，聞落同食落都勁似公仔麵加左調味粉果隻味，所以個人感覺好重口味。d麵好食，麵硬度適中，麵嘅份量可以多Ｄ，牛肉好多(似肥牛果隻質地，好少白色肥膏)蒲燒鰻魚飯以為2
8點左右黎到，當時叫飛叫到86左右，而我地拎既票號係92號，等左20分鐘先入得，等候時間都可以接受嘅
樓面mark籌嘅姐姐禮貌程度滿分，有笑容！夠客氣！
等位中途見佢唔小心miss左一個籌既客人立即say sorry幾次，之後即刻安排該客人入位
見就黎到我地入坐之前樓面mark籌姐姐就會俾張食物表俾我地睇下先
------------------------------
最後我地決定左叫2人餐
268蚊免加一算係咁 食物上枱速度快
三文魚好食..係好食過出面放題果D嘅 (其他我就冇食喇..食物敏感)
p.s.因為女朋友係舊福緣跟住依家既禾彩老闆打工，轉左店就冇黎幫襯過。
幾年後第一次回到＂老家＂食晚飯，所以食物份量就多少少。
花之戀都好好食
和風炒雜菜 對我黎講就岩岩好夠味，但對食慣重口味既人黎講會冇乜味道
雜菜天婦羅全部都好食，炸粉唔厚，食物新鮮滾熱辣，眾食到食物本身應有既味道
燒汁牛肉拉麵一上枱我係估唔到大碗，好香，聞落同食落都勁似公仔麵加左調味粉果隻味，所以個人感覺好重口味。
d麵好食，麵硬度適中，麵嘅份量可以多Ｄ，牛肉好多(似肥牛果隻質地，好少白色肥膏)
蒲燒鰻魚飯以為2人餐唔夠飽先再叫多碗依個飯，加上又想試下蒲燒鰻魚飯係唔係真係咁多人話咁好食。
鰻魚一流，冇骨，唔似某d店咁多骨到爆。
個人覺得汁就唔夠多，好多飯都冇撈到d汁
------------------------------
職員會主動幫你加茶，又會主動幫你收碟唔駛咁阻枱面位
亦會問你駛唔駛加單，當晚9點幾左右做到98號籌就已經截人(食物就黎賣光光)，點解我知，因為我坐門口位
最後埋單333蚊 (二人餐$268+蒲燒鰻魚飯$65)
好飽好飽
下次會再黎食
張貼
