坤記煲仔小菜 (已搬遷) 新店位置

坤記成日聽人講話呢間煲仔飯好好食，之前都仲未有機會食到，次次都錯過左，因為之前見過排隊ge人真係太多，同埋要凍凍地黎食先正，不過3月天氣忽冷忽熱，今日ge天氣係有d涼，所以黎食都ok! 我地2人行，8點幾見門口無好多人排就等下啦，15分鐘左右就入得去，坐低揀左個菜同白鱔煲仔飯，一人一個飯我地就食唔落啦，望人地枱都好煲下。黎左個炒菜先，煲仔飯係等左30分鐘左右就黎啦，因為即叫即整所以就耐d，打開蓋白鱔都好肥肥，幾厚肉無乜細骨，份量都好足，鋪滿左個飯面架！煲仔飯個豉油好正，唔駛落勁多都好夠味！仲有一樣野要講就係飯焦好出色，唔係濃底，薄薄一層剛剛好，唔駛勁用力就刮得出黎啦，脆脆身不太痴牙架果然無聽錯人講坤記煲仔飯係好食，讚同可惜呢個地方有d遠，真係經過先會黎食。