今次要隆重介紹的就是這間大井町日式放題......
位於荃灣中心3樓，荃灣站與荃灣西站的中心點，連接九龍與新界既線成就左呢餐飯局!
我地7:00入座，可任食2小時，$238加一......經過上次放題，都知要咁上下價位架啦!
特色：
場地大，成層都屬於佢既天下!
坐得舒適，食得舒適!!! 我地兩個人坐左個四人台!
飲品、甜品、雪糕、生果，自助形式，不需假手於人!
上菜超快，唔會漏單！快到呢!! 食到唔停，睇住個台擺曬野，大滿足!
服務超好，總有個服務員在旁，收碟呀、落單呀，都會立即行動!
新店上場，實會超落力，無論食定服務上，我就是睇中呢點先揀呢間!
就係咁我就展開呢個無限食既不歸路!!
張張都四人台，坐得幾咁爽呢!!!
地方又大，望落去就非常得體，氣派幾架勢!
廚師、服務員都有好多個，真係有足夠既人手為你服務!
1
雖然落單紙只有八張，但其他放題店有既野，這裡都有!!
其他放題店花巧既食物係有好多既，但呢間就穩打穩震!!反正上菜快是個重要的一環!
落完單之後，就走左出去自助區!!
兩個大雪櫃裝左飲品，有C&C、可樂、冰紅茶、烏龍茶、韓國忌廉溝牛奶、韓國士多啤梨溝牛奶......
對面仲有個兩部飲品機，有FRUIT PUNCH、茶......
1
有色彩繽紛的甜品類，cheese cake、choco cake、一杯杯個糕點!
另外，仲提供左生果，有菠蘿、西瓜、哈蜜瓜，食過咁多野清一清腸胃真好!
揀完飲品，返到位就見到d野上台啦!
食刺身前的前菜，兩個都係爽口的帶子裙邊、魚翅海蜇，起出面壽司店都要成15蚊碗架!
無幾耐就出場的刺身類! 三文魚係厚切，非常濃郁的魚油味!
帶子、鮑魚片都好新鮮、爽口!
重點一提就是蝦!
甜蝦固然鮮甜，但牡丹蝦大大隻，更有咬口，整個口腔都是蝦肉架!
1
炸物，有冬菇、一口薯、蝦! 食炸物，最怕就是上粉上得太厚，食落就有一大塊盔甲擋住曬!!!
呢度就唔會出現呢個情況，上粉薄!! 一口薯亦成為左我既初心!!!細細粒，薯香味重!
香濃的肉醬芝士香、有煙肉碎，非常好吃的薯蓉，不過兩口吃完!!! 完全唔會太大負擔，仲有戰鬥力食其他!!!
無菜食呀，唯有食下粟米，等自己的罪惡感無咁大啦!!!
1
真正的牛柳!!!! 對上幾次放題起荃灣某間點左個牛柳粒，結果食完覺得自己食緊豬肉，非常失望!!!
有牛肉的紋理、肉汁、香味，鐵板形式上陣，食慾大增!!!
牛舌都係我既超喜愛之一!!! 呢間將個牛舌燒得無咁犀利，完整呈現牛舌既味道((當然我初心就是想燒焦一點啦)))，放左好多黑胡椒，非常香!!!
一次過叫左4串，同朋友一人兩串，依家諗返起都想食!
撈埋韓國風，泡菜豚肉，份量夠!!!!
1
一人一串雞翼啦!!! 廚師都串得幾好，基本上都會骨肉都分開，唔會食得太狠背 ，而且有肉汁，非常juicy!!
食埋個飯後果!!! 燒菠蘿、哈蜜瓜!!!!哈蜜瓜係超甜的!!!
重頭戲：movepick雪糕!!朋友話太飽，唔食讓左比我食，太好了!!!一口氣食左朱古力、士多啤梨味!!!大滿足!!!
1
就起我食完呢兩杯，朋友又起出面既雪糕櫃拎左兩球包裝雪糕球!!!芒果味、薑味!!!
不過食得太多雪糕搞到成身寒曬，想食都唔敢食了!!!
朋友話薑味好特別，超重薑味，睇到薑絲架!!!唯有下次再黎吧!!
