越南牛肉粉專門店 (已結業)

沿途番工放工都必經嘅越南食肆，已開業幾年都無機會幫襯，呢個星期六下午，剛好自己一條友入去食個下午茶。街舖嘅門面裝潢都好舒服，餐枱全是瓷磚砌成圖案，有民族感。越南嘢我首選牛肉河，下午茶餐跟飲品，先至$36，真係好抵食，芽菜及青檸係另上，以個人口味去加，呢個價錢有咁嘅服務，去邊度搵薄牛肉浸落湯內一陣就熟晒，但我忘記第一時間將芽菜都放入去，所以唔多夠熟，浪費咗，下次要記得喇！湯底有濃濃嘅牛味，但唔會油笠笠，河粉夠幼細且滑口真可惜唔早d入來幫襯，相識太遲，日後我會好好補償錯過咗嘅時光。