老掌櫃東北菜館 (已搬遷) 新店位置

在奧運行完街 經朋友行完街就黎到呢間老掌櫃來到門口 已經覺得裝修富有中國風 入到去感覺氣氛還好 地方闊落而且重要的是地方令人與人間不會太逼 食得舒服講返今晚食既野先醉雞 ：呢個雞真係一家要試 一入口時酒味甚濃 但隨次而來的是酒甜味 好開胃！麻辣海蜇 當我同朋友食哂成碟既時間 先後有兩位待應姐姐話：嘩你地都好食得辣喎 哈哈 而我地覺得呢個菜既辣是先麻後香 確是食完一啖又想再追食一啖 重有海蜤好爽 好正呢個素三鮮一定更適合女士食啦 一口咬下去 有汁會流出來 還是有好新鮮既感覺 麻醬冷面其實叫呢個冷面係因為之前點了太多辣味菜啦 再加上天氣好熱 就叫了個冷面爽爽自己 哈哈   菜一上枱 麻醬與面是分開上的 方便客人調較自己口味 不得不提點解我既title點解要話呢間鋪頭係細節取勝 原因是呢個冷面既配菜有青椒 將麻醬 青椒 豬肉絲 青瓜拌在一起 一入口 青椒絲是非常新鮮 與冷冷的面一齊放入口 感覺就截然不同 一邊食既時候 就發現身邊幾圍客人都是東北人 不得了 仲有好多一家大細都會黎呢度