阿杏飯團 (富時中心) (裝修中)

🔺 阿杏飯團 (富時中心) (旺角)呢間賣台式飯團既店想試好耐，但成日都見好多人等，見佢menu 好吸引，有好多唔同既口味比你揀，選擇困難症發作😂🔻江戶川原味飯團（$33)第一次黎試個原味唔使諗，入面勁多配料，有肉鬆、油炸鬼、冬菇粒、生菜、芝麻、沙律醬...外面用阻紅米做飯團，飯團做得紮實煙韌有口感，呢個價錢同份量真心唔錯。🔻鹹蛋鴨胸飯團($39)呢個對比起原味更有口感同口味較為重d，除阻原味有既材料，仲多阻鹹蛋黃同鴨胸，鹹蛋黃食落有金沙feel 好香又有沙，鴨胸厚身濃味，味道更豐富。🔻燕麥奶茶($26)呢到既奶茶，茶底較輕，奶味較重，燕麥份量唔少，有飽肚咁之餘又唔會好似珍珠咁濟。🔻燒仙草茉莉($22)燒仙草嫩滑帶點煙韌，茉莉茶底幾香，飲唔到有甜味，應該冇加糖水，飲落好健康。