牛精皇 (已結業)

九龍城發現高質紫菜響鈴！！！因為響鈴自家製而且係即炸，即炸響鈴好多地方都有，但係有埋紫菜夾係響鈴中間既就第一次見，加左紫菜後，成件事變得更加惹味。喺其他餐廳包你食唔到呢種甘有特色的配料。加埋落去個湯底，及埋沙嗲汁嘅精華，三重享受！🤤第二樣必點既一定係牛坑腩！肥牛控黎講，我覺得佢個牛坑腩比肥牛更吸引我。牛坑腩同肥牛唔同之處係肥瘦相間，紋理清晰，口感分明。放左爐中一段時間後，肉質軟腍得黎有彈性，比肥牛更優勝。炸午餐肉呢d肥仔野，即炸即食，無論係就甘食定放入湯底打邊爐都好難唔好食囉😚如果唔鍾意放份去打邊爐的話，上菜後要盡快襯熱食呀！$88-3份海鮮生蠔好肥美😍唔係一般任食打邊爐桶蠔的質素！最後要講埋呢個象拔蚌刺身。呢個係店員大力推薦的特價產品，我記得大約$200左右。份量都幾多，肉質鮮甜，性價比都幾高。